大家對日本嘅香川縣可能唔係好熟悉,但只要講起縣內嘅瀨戶內海島嶼小豆島同名產讚岐烏冬,大家就可能立即會有啲印象!而且HK Express已經有來回香港與高松嘅直航,憑住機票票尾仲可以換到唔同嘅觀光優惠券,其中免費嘅「讚岐烏冬觀光巴士券」除咗會帶你去食唔同著名嘅烏冬店之外,仲會遊覽埋當地名勝,真係好抵玩!以下就睇吓點玩香川最好玩啦!
第一站:憑機票票尾拎「讚岐烏冬觀光巴士券」食烏冬
香川縣的烏冬麵店就約有850間,名副其實係烏冬勝地,所以大家落機之後要記得,只要喺高松機場詢問處出示HK Express去高松嘅機票票尾,香川縣會送您免費讚岐烏冬觀光巴士券。
讚岐烏冬觀光巴士係一架會帶您去唔同著名烏冬店嘅巴士,不同日子出發有不同行程,而且仲有機會去到手打烏冬學校參加唔同嘅烏冬製作體驗(需另外收費)。而且巴士仲會去丸亀城(遊園)・豬熊弦一郎現代美術館同善通寺等等必去嘅景點,所以讚岐烏冬觀光巴士可以話係必搭之選。
讚岐烏冬觀光巴士
第二站:憑機票票尾拎埋「免費來回小豆島渡輪船票+小豆島觀光巴士半價優惠券」狂打卡
除咗讚岐烏冬觀光巴士,憑機票票尾仲可以換埋免費來回瀨戶內海嘅島嶼之一嘅小豆島渡輪船票以及小豆島觀光巴士半價優惠券。由高松港出發到小豆島的船程約1小時,小豆島最出名就係擁有充滿地中海希臘氣氛嘅人氣觀光地―道之駅小豆島橄欖公園,公園就位於日本首個成功培植橄欖的橄欖園旁邊。話明可以瘋狂打卡,就係因為可以喺度搵到魔法掃把。呢度有電影「魔女宅急便」嘅拍攝場景(麵包店),喺度模彷電影主角騎掃把跳起影相打卡係必做嘅事呀!
除咗打卡位,小豆島仲可以報團駕駛Mario Cart於公路上行走另外,遊客可以租借一輛Go Cart於公路上駕駛,更可以付費租借Mario服飾。
其他必去景點:
香川縣三豐市嘅「父母濱」,喺日落時可以拍到猶如置身在烏尤尼鹽沼嘅夢幻照片。
直島錢湯「I ❤ 湯」,係一個溫泉設施。這是在瀨戶內海島嶼舉行的「瀨戶內國際藝術祭」中嘅作品之一,係一個可以讓人入內浸浴嘅藝術設施。入浴費為510円。
開放時間:
星期一至五 14:00-21:00(最後入場時間20:30)
星期六日及公眾假期 10:00-21:00(最後入場時間20:30)
溫馨提示,依家喺以下期間搭 HK Express飛去高松,再喺高松機場詢問處出示登機證,就可以得到優惠券*,包括:
1. 免費來回小豆島渡輪船票*(即日至明年3月31日)
2.小豆島觀光巴士半價優惠券(即日至明年3月31日)
3.免費讚岐烏冬觀光巴士劵(即日至明年1月31日)
4.雲邊寺纜車JPY 500折扣優惠劵(12月1日至明年2月28日)
5.縣內摘士多啤梨JPY500折扣優惠券 (明年1月1日至3月31日)
想了解更多香川縣嘅旅遊資訊?記得要留意 Visit Kagawa - 日本香川 喇!
*來回小豆島渡輪船票只適用於乘搭普通渡輪。禮券數量有限,送完即止。須受條款及細則限制,詳情請參閱實際禮劵。
以上資料由香川縣觀光協會提供。
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓