錯過了上個月期間限定香港Samsung Galaxy Studio的話,依家澳門都有得玩啦!仲有港澳首次登場同最大型嘅刺激動感體驗,一直玩到12月尾,周末短trip又多個景點可以玩!
入季VR雪橇體驗
今次的體驗館繼續有新機Galaxy Note 8、Gear 360、Gear VR同多款運動手錶Gear Sport登場,但叫得做體驗館,當然不少得多款VR和模擬遊戲,其中一款「Gear VR 4D高速雪橇體驗」更是港澳區首次登場。至於遊戲位置,跟住尖叫聲就知喺邊!
整個4D高速雪橇體驗都以俯臥方式進行,且搖擺角度都算幾大,似足機動遊戲,加上配戴VR裝置後完全投入由滑雪道、發光隧道和穿梭太空交替的高速滑行畫面,速度感一流,有啲位個心真係離一離!
部機有安全帶,但遊戲途中都不自覺捉到實一實,真心緊張,但玩完有少少唔夠喉。
都唔係全部體驗遊戲都齋坐喺度嘅,「Galaxy Fitness划艇遊戲」就結合了運動元素,比你活動一下手腳,同朋友實時比賽。現場工作人員仲會以Gear Sport監測玩家心率及運動表現,咁樣健身又幾好玩。
遊戲畫面與玩家動作幾乎同步,投入感大增。
另一款「影院式Gear VR 4D動感射擊遊戲」亦有加強版登場。除了左右搖擺的4D影院座椅,參加者更可以用全新動態控制器做虛擬實境射擊,駕駛太空船大戰宇宙怪物同戰艦。
手上有射擊裝置讓你對付敵人,中途亦會穿插些殞石、怪獸嚇嚇你。
即時DIY可愛紋身
近期力推的S Pen玩法多多,現場就有「S Pen即印人體彩繪」俾你自己畫、自己print,印番個獨一無二的專屬圖案俾自己。Printer用的是化妝墨水,印上皮膚後質感非常似紋身,可以keep兩至三日。心思思想體驗一下紋身,記得試玩!
「打印」過程只需一秒,圖案就直接在皮膚實體化!
諗唔到畫乜?手機程式內亦配備了多款得意圖案。
新機Note 8好玩在互動體驗多多,同另一伴或者朋友自拍完,就可以用S Pen幫對方塊面「加工」,令自拍更多玩法
你仲可以將作品上傳,加係展場的電視Display到。
Galaxy Note8互動顯示桌用來展示新機各項功能,水平螢幕與手機的互動充滿未來感,包括用S Pen控制大屏幕的動畫、天氣、景深等等。
將透明圖柱體放到手機旁就可以進行互動。
當然有Galaxy Note8和周邊產品展區。
還有多款Gear Sport手錶和替換錶帶展出。
CTM X Samsung Galaxy Studio 體驗館
地點:新濠影滙澳門時代廣場
日期:即日至12月27日
時間:11am-8pm
費用:免費入場
資料由客戶提供
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道隱世美食/必買手信等!↓