本地大部分農莊為細路而設,跳彈床、遊樂區、餵羊仔之類,唔通大人去農莊,只可變成陪細路的小角色,冇嘢好玩好睇﹖448 農莊開業一年多,最近有新搞作,莊主樹根哥與拍檔滔哥,增設可口可樂主題休閒區及珍藏展區,粉絲來到處處是打卡位!
滔哥是可口可樂收藏家,他說其珍藏比太古可口可樂展覽館的還要多,現時展出收藏品只是部分,但總值已夠買兩層樓的首期!先講半戶外部分的可口可樂主題休閒區,藍白小木屋內放備可口可樂主題家具、運貨用的支裝可樂膠盤,玻璃樽整成吊燈,更有比較少見舊式外賣可樂用的鐵箱、可樂保冷箱、主題儲物櫃等,fans 於休閒區飲枝汽水歎吓,打卡留念走唔甩!
珍藏睇唔完
可口可樂粉絲準備尖叫吧,打開貨櫃門,展出全是品牌產品!上方的logo光纖燈超正,前方三座 jude box(可播放卡式帶、CD 及收音機的音響組合)好經典,滔哥介紹說︰「我儲的東西一定仲用得,你睇落三座 jude box 以為一樣,fans 會分得出日本版,另外兩部可播放 CD 數目亦不同,日本版最好聲。」連滔哥放入播放的特別版 CD,是可口可樂自行發行,非唱片公司發行。
一般人睇會覺得展品密麻麻,難欣賞,但對 fans 來說每行一小步,都有新發現。你想像到的產品不部分都有,時鐘陀錶、彈珠錢箱、舊式玻璃瓶、水杯、舊式壓樽蓋器、原裝鐵牌、薯片用碟、球類、燈飾……細心睇有排欣賞。滔哥話與樹根哥合作搞休閒農莊新展區,想給大家有多些新元素,有別於其他農莊,而且可樂本身具懷舊元素。現時,旁邊另有貨櫃展出懷舊玩具,他亦有做有關香港抗戰歷史研究,稍後做展覽。
可口可樂主題休閒區及珍藏展區
開放日子:11 月 18 日起對外開放
收費︰每位$20(三歲以下免費,參觀人士可逗留可樂主題區一小時,周六假日必須預約參觀)
地點︰元朗欖口村欖堤東路 448 農莊
入場費︰每位$50
開放時間︰9:30am - 5:30pm(周六日假期必須預約入場,2018 年 1 月 1 日入費加價至每位$80)
WhatsApp 查詢︰6684 1448
Facebook:448農莊
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道隱世美食/必買手信等!↓