煮食用品品牌 BRUNO,除咗出煮食用具之外,亦好鍾意出家品,由暖爐到加濕器到鐘,就連燈都有,非當多元化。而今年冬天,日本的 BRUNO 就推出一部外型好靚嘅暖風機 ,等怕凍嘅大家成個冬天都可以暖笠笠。
今次 BRUNO 推的呢部暖風機,有軍綠及卡其兩隻色,論外型,簡簡單單唔多「花臣」,好有無印 feel,而且機頂仲有個木製的手柄位,又型又靚呀!
除咗型格兼靚的外表,呢部暖風機仲有風扇、Low、High 風速及上、下移動畀你調較,而當機身翻側又或溫度過高時,佢嘅安全功能就會啓動,會自動幫你停機,好安全。
畀個暖風機三面睇畀大家睇吓,嗱,係咪好有無印 feel 呢?
機身背面的濾網,亦可以拆下來,方便清潔。
機身 size 只有 27x19x16.7 cm,雖然細細部,但勝在放喺邊都唔阻地方。
個人認為呢部機啱晒腳仔凍冰冰的人,事關咁細部的話唔好預佢可以吹勻全屋,但集中部位暖腳必定有餘有餘。
呢部機售價為 8,640 日圓(約 590 港元),想買?冇問題,但溫馨提示:日本同香港的電壓唔同(日本 100V、香港 220V),想喺香港用的話就要買個變壓器喇。
想買的話,可到以下網址:idea-onlineshop.jp
圖片來源:IDEA SEVENTH SENSE ONLINE SHOP、日本樂天
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓