2017.11.09
煮食用品品牌 BRUNO，除咗出煮食用具之外，亦好鍾意出家品，由暖爐到加濕器到鐘，就連燈都有，非當多元化。而今年冬天，日本的 BRUNO 就推出一部外型好靚嘅暖風機 ，等怕凍嘅大家成個冬天都可以暖笠笠。
今次 BRUNO 推的呢部暖風機，有軍綠及卡其兩隻色，論外型，簡簡單單唔多「花臣」，好有無印 feel，而且機頂仲有個木製的手柄位，又型又靚呀！
除咗型格兼靚的外表，呢部暖風機仲有風扇、Low、High 風速及上、下移動畀你調較，而當機身翻側又或溫度過高時，佢嘅安全功能就會啓動，會自動幫你停機，好安全。
畀個暖風機三面睇畀大家睇吓，嗱，係咪好有無印 feel 呢？
機身背面的濾網，亦可以拆下來，方便清潔。
機身 size 只有 27x19x16.7 cm，雖然細細部，但勝在放喺邊都唔阻地方。
個人認為呢部機啱晒腳仔凍冰冰的人，事關咁細部的話唔好預佢可以吹勻全屋，但集中部位暖腳必定有餘有餘。
想買的話，可到以下網址：idea-onlineshop.jp
圖片來源：IDEA SEVENTH SENSE ONLINE SHOP、日本樂天
↓《社群》「個人地圖」功能登場↓
去到邊 Share到邊～立即記錄您的生活足跡！![]()
去到邊 Share到邊～立即記錄您的生活足跡！
↓【免費送】Camp Kingdom一站式2日1夜車頂營體驗🚙！↓
↓經典日產四驅車／夏天配有獨立冷氣／設置好車頂營連車邊天幕↓![]()
↓經典日產四驅車／夏天配有獨立冷氣／設置好車頂營連車邊天幕↓
utravel
發表回應