【環球博客- Guide to Iceland - 冰島旅行網 - 國際中文 分享】
「看到極光就會一輩子幸福」,相信對好很多人離講都唔會陌生,唔知道係唔係受到呢句說話嘅潛移默化影響,「追極光」確實成為左唔少人一生中最想完成嘅夢想之一。對於冰島呢個全島都在極光帶上嘅國家來講,順其自然亦成為左唔少人狩獵極光嘅理想目的地。今日呢篇就由比較專業嘅角度出發,教教大家如何喺冰島追極光(應該幾月份嚟冰島?有利睇極光嘅基本條件?)、有邊D冰島本地實用嘅極光預測網站、點睇極光預報、本地極光團嘅種類/如何選擇、極光攝影小技巧,希望可以幫助準備來冰島追極光嘅朋友完成你們心中嗰個「極光夢」。
【在冰島看極光】
正式討論在冰島睇極光嘅客觀技巧之前,有一點需要必須提醒大家:要睇到極光真係主要靠運氣!除非係遇到為數極少嘅極光指數超高、極光大爆發之外,基本黎講都冇絕對或者百分之百嘅情況可以保證睇到極光,下文我會同大家講一D觀看極光所需嘅基本客觀條件,理論上如果有以下呢D客觀因素輔助,睇到極光嘅機率會變大,但確實可唔可以睇到,就要睇大家個人嘅「造化」啦。
【在冰島成功看到極光,有什麼客觀條件?】
由於冰島嘅地理環境、天氣情況比較特別,喺冰島睇極光並唔係越北部機會越大!冰島全島都在極光帶之上,下面呢張圖可以解釋得更清楚:
所以冰島可以睇到極光嘅機率並唔係由地點決定,而係由以其他嘅客觀因素決定。下面呢個部分就黎為大家從理論嘅角度講下喺冰島睇極光所需要具備嘅六個客觀條件,如果你喺冰島嘅嗰段時間吻合越多以下嘅客觀條件,可以睇到極光嘅機會就越大。
【1. 選擇適合的月份來冰島】
每年 8 月下旬開始,直至來年 4 月為止,理論上都有機會喺冰島睇到極光,普遍而言,冰島極光最活躍嘅月份係 9 月下旬至 3 月期間,當然亦會有例外,如今年 8 月中就已經見到強烈嘅極光出現在冰島上空。
【2. 極光指數高】
極光預報指數分 9 級(Kp 0-9 ),在冰島最常見嘅極光指數係 1-3 級,極光指數能到達 3 級的話,已經算係唔錯嘅級別;如果能到 4-5 級,睇到極光嘅機會相對較大;如果達 6-8 級,建議大家無論如何都要嘗試等一下極光,因為機率非常高;9 級就唔使講啦,係極光大爆發嘅級別,幾乎係 90% 可以睇到極光。冰島本地極光旅行團亦會根據當日極光指數嚟決定會唔會出團,如果極光指數過低嘅話,極光團都係唔會出團。
冰島本地實用極光預報網站
vedur.is 係係大部分冰島人都會使用嘅天氣預報網站,顯示冰島當日和未來兩日嘅極光指數預報,每日一次更新,優點係除極光指數外,同時可以睇到雲層嘅覆蓋範圍,讓大家更清楚知道冰島哪裡雲層覆蓋比較少,有較多機會睇到極光。另一個為大家推薦嘅網站係 Aurora Service,同樣提供三天嘅極光指數預測,資料每小時更新,所以相對黎講會更精準。
截圖自 Vedur 嘅極光預報(2017 年 9 月 15 日 ),右手邊係當日嘅極光指數,呢張圖顯示嘅係 5 ,屬於比較高嘅級別。下面有冰島當日日出、日落、天黑、月出嘅時間,數值可以提供一個時間比大家參考,知道大概應該咩時候外出等極光(越黑嘅情況越有利於睇極光,所以如果太陽、月亮特別光亮,會影響睇到極光嘅機會)。
【3.天氣情況良好】
天氣情況會直接影響到看極光的機會。由於極光的光度不強,如果當天是萬里無雲、沒有雨、雪、月光不亮、天非常黑,就會形成一個良好的看極光環境,在這個環境之下看到極光的機會就會高。當然,如果當日極光指數非常高,極光也有可能穿透雲層,讓大家一睹她的風采。下面這張就是極光指數非常高,以致可以穿透雲層看到極光的最好例子。
【4.光污染低】
極光本身嘅光度唔強,所以非常容易就被其他強烈嘅光源蓋過。除左陽光、月光,最可能影響睇極光機率嘅就係人為嘅光害(城市嘅街燈、房屋嘅光源、大型廣告牌嘅光等),想要睇到極光,記住:環境一定要夠黑!如果係極光大爆發,當然即使係喺有好多人為光源嘅情況下都可以睇到極光在城市中飛舞,但都肯定冇喺漆黑嘅郊外睇到嘅極光豔麗、顏色斑斕。呢個亦喺點解冰島嘅冬季會比較容易睇到極光,因為冰島嘅冬季有「極夜」(11-2 月呢個情況更為明顯),黑夜嘅時間比較長,所以相對嚟講見到極光嘅機會也會比較大。
P.S. 冰島嘅夏季(5-8月)係「極晝」,呢段期間最長日照時間幾乎係每日21小時,所以自然亦無法睇到極光。
【5. 跟隨冰島本地專業導遊】
如果對自己嘅雪地駕駛技術冇乜信心,或者真係唔知道可以喺邊到睇極光,大家可選擇報名參加冰島本地極光旅行團,選擇唔同嘅出遊方式、跟冰島本地導遊出發。以下幾點畀大家參考一下:
1. 本地導遊有豐富經驗,知道邊到睇極光最好,減少左自駕出去漫無目的尋找地點嘅麻煩。
2. 不用擔心迷路。
3. 導遊會講解極光嘅原理同相關嘅故事,比較有趣。
4. 同團友一齊等極光比較有氣氛。
5. 跟團睇到嘅機會比較大,因為如果當日極光指數不高/天氣不好,極光旅行團唔會出團。
6. 如果怕凍,可以逗留在車上等待,因為導遊會負責觀察天空,根據情況適時叫大家落車。
【6. 觀看極光的地點】
如果你比較崇尚自由,鍾意用自駕遊嘅方式遊冰島、追極光。首先要提醒大家,冬天在冰島自駕遊,對於遊客來講有一定危險,大家需要仔細衡量自己有冇應付積雪、結冰路面、暴風雪中安全駕駛嘅能力,再決定是否真的想在冬季來冰島自駕。
如果大家權衡過後,依然決定要喺冬天自駕追極光,喺呢到比大家一個自駕睇極光嘅小建議:可以喺住宿方面選擇比較郊外嘅地點,然後揸車喺住宿地點附近睇極光。一來喺住宿地點附近有更大機會睇到極光,二來減低揸車到偏僻郊外迷路嘅機會,萬一遇到緊急事故,都可以快速返住宿地點求助。
【極光小知識】
極光大概就是「帶電的高能粒子和高層大氣中的原子碰撞造成的發光現象」,而且只有在靠近地球兩極才能看得到。由於接近南極的地方主要都是海洋,陸地比較少,最主要的陸地只有南極大陸,所以想要看到南極光比北極光更困難,有些人會去新西蘭等地追南極光,但可以看到的機率不大,所以很多人把追極光的希望都投放在北極光上。最常見的北極光是綠色的(i.e.南極光最常見是粉紅、橙色),除非在極光活動非常強烈、指數非常高,就像前幾年冰島的北極光大爆發的時候,才有機會看到紅色、紫色和藍色。極光的型態非常優美,很像少女揮動著長袖在空中翩翩起舞。至於極光的別名 Aurora(歐若拉),是由傳奇科學家伽利略賦予極光的。Aurora 是古羅馬神話裡面「曙光女神」的名字,由於伽利略影響力甚大,西方人大多數也都會跟隨伽利略,稱呼極光為 Aurora,女神。
Source:Guide to Iceland - 冰島旅行網 - 國際中文
↓ 請您免費飛轉日/韓/泰!↓
↓立即睇打卡熱點/地道美食/住宿指南等!↓