賞瀑布,最熱門選擇不外乎是梧桐寨、雙龍石澗、照鏡潭等等,瀑布話雖氣勢磅礡,但路綫不易走,不符合是次要求。
今次介紹的小夏威夷徑,路段相當簡單易行,即使是親子遊也不成問題。
路綫由西貢井欄樹至將軍澳村,若果由井欄樹,全程均是落斜位,地勢也相當平坦,連同拍照時間也不過約 1.5 小時左右。
別以為路綫簡單,等同沒有美景細賞。沿路一帶已有甚多拍照位,由入口附近的小橋位置,至中後段落斜位,到尾段的瀑布,要搵位影靚相,信我,真係唔難。由於大部分路程有樹林擋住陽光,怕曬人士完全不用擔心,加上樹林茂盛,沿路見到蝴蝶及蜻蜓也不足為奇。
至於是次主角:瀑布呢?放心,走過密林後,就會來到十字路口,屆時記得沿着澳頭村方向步行,好快就看到小夏威夷瀑布!踏入秋季緣故,瀑布水量比預期少,就算瀑布實際不高,但氣勢同樣相當澎湃,坐在橋上,甚至坐在大石乘涼,絕對一流。
最後只要原路返到十字路口位,沿着將軍澳村方向離開,就可到寶林乘港鐵或巴士離開。
文:Aiko、相:Ray、model:Giann Law@Puremodels
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓