唔少人一年四季都去日本,除咗必去嘅東京、大阪、北海道之外,其實日本仲有好多地方等住大家探索!其中如果你是「蟹精」,對蟹肉鮮甜又多膏嘅松葉蟹毫無抵抗之力的話,咁不如就直接去出產松葉蟹出到有獨立品牌「加能蟹」嘅石川縣,瘋狂食蟹!再一邊睇雪景再浸溫泉,過一個放鬆又可以靜靜地嘅冬日假期。
我哋今次就會解構石川縣有咩好玩,同加能蟹有幾好味!
石川縣喺邊度?
石川縣喺本州中部靠近日本海嘅一側,分爲能登地區同加賀地區,北部形成能登半島。其中金澤市係石川縣行政、經濟及文化嘅中心。
交通
東京車站出發:乘坐JR北陸新幹線到金澤車站,車程約 2 小時 30 分鐘
大阪車站出發:乘坐JR北陸本線特快到金澤車站,車程約 2 小時 30 分鐘。
石川縣食蟹最鮮味?
大家去日本都會成日食蟹宴,其中松葉蟹更加係頂級滋味,由於蟹肉多,而且肉質細緻鮮甜無比,無論造成刺身,定係蟹火鍋都一樣咁正。另外如果鍾意食大閘蟹嘅朋友,要知道松葉蟹嘅蟹黃都濃郁味美,絕對唔會令你失望!
重點係石川縣就係出產松葉蟹,最主要漁場所在地之一。由於石川縣嘅漁港作業方式同其他地區唔同。其他地區嘅漁船撈到螃蟹,會先堆喺保鮮箱入面,但石川縣的漁船出海10小時之內就必須歸港交貨,所以論新鮮甜美程度,石川縣出產嘅松葉蟹一定係冠軍!亦因為咁,石川縣捕撈嘅松葉蟹都擁有獨立嘅品牌名叫「加能蟹」,令大家知道佢係最鮮味!
另外提提大家由11月至2月的冬季更係松葉蟹盛產期,亦都係最美味嘅時期,大家係時候計劃起行!
石川縣是溫泉鄉?
石川縣除咗因為蟹滋味聞名,亦因為擁有加賀溫泉鄉。遍佈金澤平原南部嘅加賀溫泉鄉由山代、山中、片山津、粟津四座著名嘅溫泉區集合而成,擁有好多極具特色嘅溫泉旅館,仲可以由小松機場直接搭巴士,大慨12分鐘就可以抵達加賀溫泉站。
當中要推介嘅溫泉旅館,係位於山代溫泉區嘅「葉渡莉」,由加賀溫泉站乘搭接駁巴士只需約10分鐘即可到達。當中一半房附有私人風呂,所以旅館嘅大眾浴池都唔會好多人。如果唔想選擇附有私人風呂之房間又想擁有私人空間,旅館亦有貸切風呂可以租用,不過需要事前預約。
石川縣還有什麼吸引?
除咗浸溫泉同食美味嘅加能蟹,石川縣仲有超級美景「兼六園」,兼六園就位於金澤市中央嘅高崗上。該園同水戶市嘅偕樂園、岡山市嘅後樂園並稱為日本三大名園。庭園面積大約10萬平方米,內有嘅景點,好似霞池、霞池北側嘅徽軫燈籠、瓢池、池畔旁精雕細鑿的夕顏亭等,都係大自然同古建築完美配合嘅傑作。
其中因為兼六園冬天嘅雪會好多,爲咗令雪嘅重量唔會壓斷樹枝,所以就由支柱最頂拉繩到底,就好似雨傘咁緊貼喺樹上面拉落去,呈圓錐形,稱之為「雪吊」,可以令樹木免受雪害,係「兼六園」內獨有嘅幾何學景觀,大家一定要欣賞!
2天遊自由行推介
知道石川縣原來係咁吸引之後,如果唔想自己花時間計劃行程,以下專業旅運嘅2天遊自選遊推介,就一定可以幫到你!
金澤品味2天自選遊
第一天行程:Daiwa Roynet Hotel Kanazawa酒店Check-In,可自由前往近江町魚市場
第二天行程:酒店早餐後自行乘坐金澤周遊巴士,參觀「兼六園」,於園內寄觀亭品嚐金箔茶及日式團子等,並進行金井貼金箔製作體驗。
費用:$690起(價錢已包括酒店住宿連早餐、金澤周遊巴士1天乘車券 兼六園、寄觀亭及貼金箔體驗費用)
備註:需2人同行
查詢:https://goo.gl/6NimtS 專業旅運
能登半島2天自選遊
第一天行程:於金澤駅東口自行乘搭輪島特急線巴士前往能登,到達輪島駅乘免費巴士前往高州園溫泉酒店(和室) Check-In,於酒店內享用溫泉及晚餐,並於酒店欣賞御陣乘太鼓表演
第二天行程:於酒店內早餐,乘免費巴士前往輪島巴士總站或於輪島站乘坐Norake巴士前往輪島漆藝美術館,然後乘坐Norake巴士前往輪島朝市及徒步約5分鐘前往Kiriko會館,最後於輪島Marine Town乘坐特急線巴士到達金澤(西口)
費用:$1,570起﹝包酒店住宿連早、晚餐、 金澤至能登來回高速巴士券 輪島漆蕓美術館、Kiriko會館及 2天Norake巴士Free Pass﹞
備註:需2人同行
查詢:https://goo.gl/6NimtS 專業旅運
資料由專業旅運提供。
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道隱世美食/必買手信等!↓