鬼馬人體兵團快閃香港巨口、大腳八出沒攔路抱抱 | U Travel 旅遊資訊網站

香港酒店優惠

其他目的地

正在閱讀
鬼馬人體兵團快閃香港巨口、大腳八出沒攔路抱抱

用 App 開啟

用 App 開啟或下載

文: U Travel 小編露兒

2017.10.26

10 月出沒香港鰂魚涌，要小心怪手、巨口、大眼珠的來襲，仲有隻大腳八拍你落地板，這可不是萬聖節惡作劇，而是澳洲大型木偶團 Snuff Puppets 的鬼馬人體兵團快閃香港兼表演。

鬼馬人體兵團齊集快閃，共有 6 個身體器官，每個鬼馬人體兵團成員都好活潑！

「巨鼻」有成個人咁高，但動作方面冇咩特別，鼻孔持續貼住地面「齋行」。

最長！6 個鬼馬人體兵團之中，「大腳八」最長，你睇腳趾甲就知啦！佢仲會高舉腳板，一腳伸向你，小心畀佢踩中！

最高！放大版手掌約 2 米高，真係好巨形，小心一掌包實你，要逃出佢嘅五指山唔容易呀！最勁係見佢瞓低咗，可以自行起番身，果然能屈能伸！

最多動作！「大眼仔」係個人心水打卡推介，眼仔碌碌又眼睫毛眨眨，仲識反白眼同彈陣跳。不過要講佢嘅絕技，一定係打筋斗，超靈活！

最搞笑！「大口」一對「孖潤腸」夠紅潤，但就有少少 dry，不過棚牙幾齊幾白，你仲可以摸吓佢條脷！

大耳窿！「大耳」慣常動作之一「摺起耳仔」，或者同「大眼仔」夾攻圍住你。不過，唔知點解大耳膚色特別黑？佢個耳窿真係幾大喎！

除了鬼馬人體兵團，主辦的西九文化區管理區也邀請 80 位本地及海外創作人，在10、11月表演戲劇、舞蹈，以及開午間音樂會。

鬼馬人體兵團 Human Body Parts 是「自由看 @ 太古坊」的藝術活動之一，巨人國的眼耳口鼻兼手手腳腳將於 10 月26 日至 29 日，一連四日的中午及傍晚在太古坊辦公樓大堂出沒。

澳洲墨爾本大型木偶劇團 Snuff Puppets，自 1992 年起已製作多個身體部位造型的手作木偶，在街頭、戶外蹦蹦跳跳，調皮地佻攔截途人、擁抱路人，大腳八甚至用腳板底同你 say Hello。 — 澳洲墨爾本大型木偶劇團 Snuff Puppets，自 1992 年起已製作多個身體部位造型的手作木偶，在街頭、戶外蹦蹦跳跳，調皮地攔截途人、擁抱路人，大腳八甚至用腳板底同你 say Hello。

劇團至今已於英國、丹麥、台灣、非洲等多個國家演出，今次快閃香港，不在街頭、公園與大家碰面，反而選址商廈大堂，每日三場表演，演出時間也主要是 Lunch time 及放工時段，為上班族的忙碌生活帶來趣味 — 劇團至今已於英國、丹麥、台灣、非洲等多個國家演出，今次快閃香港，不在街頭、公園與大家碰面，反而選址商廈大堂，每日三場表演，演出時間也主要是 Lunch time 及放工時段，為上班族的忙碌生活帶來趣味！

自由看 @ 太古坊——鬼馬人體兵團

日期︰10 月 26 日至 10 月 29 日

時間︰10 月 26 日傍晚、10 月 27 日午間及傍晚、10 月 28 日周末音樂會期間（2:45pm - 6pm）、10 月 29 日周末音樂會期間（1pm - 3pm）

地點：太古坊辦公樓大堂、太古公園

免費入場

網址：www.westkowloon.hk/tc/humanbodyparts

U Lifestyle自家節目登錄《TV專區》！
↓↓試玩、試食、試用影片任您睇↓↓

即 like & follow 我哋，緊貼世界各地最新旅遊情報！

發表回應

在計劃下段旅程嗎?

團長UU熊

在線上