日本打工仔民調： 「老細，我唔係嫌錢少呀，但…」

為咩事你會想辭職？在乜都貴嘅香港，打工仔當然最關注「人工」，當然會為搵錢而想辭職、轉職。不過，跟據一個日本民調，未非最多日本打工仔會因為薪酬而想辭職，咁究竟為咗乜？為啖氣？

日本網站「勝手にランキング」集合了日本 42,000 名打工仔進行調查：

Q1：你有冇諗過辭職？

51% 表示間唔時都有諗

29.2% 經常有諗

19.8% 完全冇諗過

嘩，竟然有近 20% 的受訪日本打工仔話完全冇諗過辭職，究竟佢哋打緊嘅係咩工呢？

Q2：你在甚麼時候會想/想過辭職？

排除 15.4% 人沒想過辭職，以及 19.8% 表示別有原因，以下發表「最想辭職的瞬間」排行榜

第 1 位：工作上的努力沒有獲得認同時

第 2 位：人事關係上受挫時

第 3 位：薪酬或受僱狀況不如理想時

第 4 位：處於極緊忙狀態時

第 5 位：做錯嘢時

第 6 位：被上司鬧時

第 7 位：OT 時

第 8 位：下屬不按你所說的去辦時

近年有不少有關日本過打工仔勞死的新聞，但在這調查結果中，「OT」不是最激發日本人想辭職的原因，「被上司鬧」、「做錯嘢」瀨嘢時，原來都不及「工作上的努力沒有獲得認同時」傷透日本打工仔的心。有參加調查者就表示：「希望付出過的努力得到認同」、「希望上司有真正看到自己工作」。

或者在數據化年代，業績被數子化而「一目了然」，在老細指住盤數不問過程、只求結果的作風下，打工仔的一切眼淚努力都只係徒然。

Q3：每當萌生「好想辭職」這個念頭時，你會點應對？

第 1 位：瞓覺

第 2 位：飲酒

第 3 位：完全唔諗嘢發呆放鬆

第 4 位：食嘢

第 5 位：郁動吓身體

第 6 位：行開吓去個旅行

唔想一時衝動，希望令自己可以冷靜吓，16.6% 的參加調查打工仔會「完全唔諗嘢發呆放鬆」，廢事愈諗愈煩，為腦筋減壓好過；另有 17.3% 日本打工仔「飲酒」，一醉解千愁，甚至在酒後向朋友傾吐一下平時工作的抑鬱事；而最多人選擇「瞓覺」，因為好多時都係工作令自己瞓唔夠、瞓唔好，用睡眠調整身心狀態係最好方法咁話。

香港打工仔們，遞信前不妨先做一做以上的應對方案好讓自己三思。做齊晒都仲係好想辭職，咁可能真係要恭喜你，你搵到決心喇！

勝手にランキング

網址：katte2q.com

文：小窮維琪

相：katte2q、シネマトゥデイ、映画ランド、部分網上圖片