布吉的舊城區 Phuket Town(布吉鎮),中葡式古建築群感覺好似檳城,近年吸引很多遊客到訪。在人氣古巷 Soi rommanee 的百年古宅中的 Torry's ice cream,未到中午已逼滿吃雪糕的人。店主將泰國新鮮生果製成香滑雪糕和雪葩,啖啖超濃郁,食得出落重本;椰子、榴槤、燒香蕉、荔枝、熱情果紅羅蔔……啖啖泰國特色;愛杯中物的,又有 Bailey's、威士忌味,口味令人花多眼亂,還有雪糕馬卡龍、蜜糖多士、棉花糖雪糕磚等雪糕甜品。
雪糕店 2 年前在舊城開業,最近更擴充開埋茶室。店主 Torry:「布吉不大,飲食文化卻與泰國本土有很大分別,鎮上有中葡特色的建築,又有回教徒、華人、福建人的影響尤其深。泰國唔係得芒果糯米飯,布吉的傳統甜品都深受檳城和華人影響,帶馬拉風味,我由細食到大,所以我一直想將這傳統融合馬卡龍、新地等西式甜食,變成好 fancy 的新派甜品。」
最地道的布吉風味有兩款 A-pong 和 O-Aew,前者是街頭小食,在鎮上會見到一檔檔小販將米漿烘成薄片,像 crepe 一樣,再灑上芝麻椰絲,Torry 將之配雪糕上桌,一冷一熱,又脆又煙韌;而 O-Aew 則是像透閒的涼粉,帶點香葉味,變成雪糕味道很獨特,別處找不到。「這些古早味的甜品後生仔本來無興趣食,我想令佢地知道傳統並不老土,變成雪糕後又吸引好多人來試,連附近的老人家都好奇我攪乜鬼。」
懷舊配搭的新地連老街坊都捧場,試下試下又變成熟客。每逢初一十五的齋戒日,Torry 更會特別將雪糕配方改變,以杏仁奶或椰奶取代牛奶,想不到雪糕店都如此傳統。
Torry's Ice Cream
地址:16 Soi rommanee Thalang Road, Phuket Old town, Phuket
電話:+66 (0)76 510 888
網址:http://www.torrysicecream.com
營業時間:星期二至四 11am-6pm、星期五至日 11am-9:30pm
文:Ngwan、圖:U Magazine
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓