咪以為遊日本只得食買玩，其實日本有好多靚景好值得欣賞，就好似呢個被喻為「拼死都要去」的日本絕景梯田咁，除咗入選日本農林省「棚（梯）田百選」外，佢亦係當地的遺產、同受認定的「戀人之聖地」，睇個牌頭同靚景，下次去日本，冇可能唔去啦！
梯田在日文中被稱為「千枚田」或「段段田」（段々畑），每塊稻田沿着山坡或山谷上不規則地分布，而今次呢個咁靚的梯田，就係位於日本佐賀縣的濱野浦梯田。（圖：vsa_1028@ig）
每幅稻田一層一層沿坡而上。（圖：fujiihidefumi@ig）
呢幅梯田為水稻，總共有 283 塊大小不一的稻田，總面積達 11.5 公頃、長約 2 公里，由於梯田旁為浜（濱）野浦海岸，所以令人有種錯覺是梯田和海岸連成一綫。（圖：jackrose9cocktail@ig、miyamycin@ig）
無論每日任何時間睇，呢幅梯田都好靚，但要睇到佢最絕景的時刻，相信一定係 4 月至 5 月初種植時段的黃昏，因為你會見到稻田猶如一幅幅不規則的鏡面般，反射着日落時份的顏色，成個畫面真係靚！到！暈！（圖：w_s_photo@ig、kei.photography@ig、tetsup1216@ig）
睇住日落咁靚的景色係咪覺得好浪漫？
冇錯，就因為咁浪漫的關係，呢度除咗係「佐賀縣遺產」外，亦被 NPO 法人地域活性化中心認定為「戀人之聖地」。
呢度更有個幸福之鐘，情侶嚟到一定要敲吓先好走呀！（圖：wmitsuo@ig、daisuke.78@ig、satomikagawa@ig、fujiihidefumi@ig）
濱野浦棚田
地址：佐賀縣東松浦郡玄海町濱野浦
前往方法：從 JR 唐津站乘昭和巴士約 30 分鐘，在「濱野浦公車站」落車後步行 5 分鐘。
即 like & follow U Travel Facebook / U Travel IG / 旅遊快搜 Facebook 專頁，緊貼世界各地最新旅遊情報！用WeChat掃一掃下面QR Code，follow埋U Travel精選內容！
發表回應