去鳥取睇蕎頭花海 秋天必睇美景

好多人去鳥取，除咗食最有名嘅世紀廿一香梨，就係去鳥取砂丘滑沙打卡。其實鳥取都有花海，需且時間同品種都幾特別-----每年 10 月尾至 11 月初，在鳥取福部町都可以欣賞到紫色花海，不過並唔係薰衣草，而係我哋去酒樓好鍾意食嘅「蕎頭花」！ 

有無聽過「蕎頭花」？平日係中式酒樓開飯前，侍應會畀碟白色蒜頭狀前菜，食落酸酸甜甜----果啲就係「蕎頭」喇！而佢嘅前身就係蕎頭花，原來啲花係紫色嘅，即時浪漫晒！

原來鳥取嘅蕎頭，並唔係浪得虛名！跟據 16 年 3 月日本農林水產省宣布，已將鳥取市「鳥取沙丘蕎頭及福部沙丘蕎頭」列入「地理標誌保護制度（GI）」物件產品名錄，皆因當地人能利用沙丘的貧瘠土壤，種植出當地特產：蕎頭！就知道鳥取蕎頭確係唔簡單。

鳥取砂丘オアシス広場的蕎頭花海。

Tottori Sand Dune Field

地址：日本鳥取県鳥取市福部町湯山 ( 鳥取砂丘オアシス広場 )

網址：www.tottori-guide.jp

地圖 按此