2017.10.11
相信對於一個遊客嚟講，去台灣最主要的交通工具一定係捷運，但而家去高雄的話，大家就多個選擇，因為全台灣第一條輕軌「水岸輕軌」，第一階段全綫的 14 個站已經通車，咁就不如睇吓呢 14 個站附近有乜玩。
高雄輕軌計劃本身係有 37 個站、被規劃成環狀路綫的，今次通車的，是由東面的「籬仔內」至西面「哈瑪星」站（即 C1 - C14）全綫，全長 8.7 公里。呢條又被稱為水岸輕軌的路綫，C1 - C12 早已開通，而上月底，就開通埋最後的 C13 - C14，整個第一階段就全部通車。至於整條環狀輕軌幾時先可以完全開通？估計就要就要等到 2019 年喇。（圖：wilsoncarnivore@ig）
車站分別為 C1「籬仔內」、C2「凱旋瑞田」、C3「前鎮之星」、C4「凱旋中華」、C5「夢時代」、C6「經貿園區」、C7「軟體園區」、C8「高雄展覽館」、C9「旅運中心」、C10「光榮碼頭」、C11「真愛碼頭」、C12「駁二大義」、C13「駁二蓬萊」以及 C14「哈瑪星」站，而綜合 14 個站，我哋就搵咗以下的景點，等大家可以坐輕軌去玩。（圖：高雄捷運、d.u.d.u0616@ig）
# C3 前鎮之星站
與捷運「凱旋站」的交會站，站的旁邊就係 IG 打卡熱點 「空中單車橋」外，沿西臨港綫自行車道，可以邊踩邊睇靚景外，更可睇到飛機起降。
# C6 經貿園區站
肚餓的話，可在該站落車，然後走到君毅正勤（群）社區附近搵食，在地人大推的「鄉園東北酸白菜火鍋」、「陳師父川辣麵」及「老牌豆漿牛肉麵」等都可以喺度搵到。
# C7 軟體園區站
# C8 高雄展覽館站
附近有號稱全台最靚的高雄市立圖書館，另外亦可到高雄 85 大樓中的觀景台， 360 度欣賞高雄景色。
# C14 哈瑪星站
捷運橘綫西子灣的交會站，附近有介紹高雄鐵道歷史的「打狗鐵道故事館」、亦可到打狗英國領事館、中山大學等地方參觀。另外，嚟到西子灣，記得一定要去觀景平台睇埋日落先好走！
溫馨提示：即日起至 10 月 31 日，輕軌仍屬免費搭乘，到 11 月 1 日至 12 月 31 日則收取半價（即 NT$ 15） 。
【U Jetso新春限時激減】自由鳥旅遊SIM卡！ ↓
↓立即免費換走↓![]()
↓立即免費換走↓
↓必收藏！香港咖啡地圖2023！↓
↓精選50間咖啡店（附評分）！即睇詳細介紹↓![]()
↓精選50間咖啡店（附評分）！即睇詳細介紹↓
utravel
發表回應