【11月1日更新】
Hello Kitty 今日 43 歲生日快樂!
踏入 Kitty 的生日月,東京 Puroland 在 11 月就為 Hello Kitty 換上靚爆蛋糕裙,裙款與一推出即售罄嘅生日紀念公仔一樣!
大家今個月去 Puroland 的「Lady Kitty House」就可以搵到穿新裝的她合照,照片收費 1,600 日圓。因為慶生,11 月 10 日至 14 日限定 5 天,可以讓各 Fans 用自家相機或電話拍照,不另收費!
去片睇真啲:
Sanrio Puroland 三麗鷗彩虹樂園
地址:東京都多摩市落合 1 - 31
電話:+81(0)4 2339 1111
營業時間:10am - 5pm(每天不同,建議出發前先到官網查看)
交通:京王相模原線、小田急多摩線、多摩都市單軌電車「多摩中心站」,步行約 5 分鐘
雖然 Hello Kitty 生日紀念公仔已經售罄,但今年她特別與德國的 Steiff 泰迪熊聯乘,推出全新生日限定紀念品系列,又可愛又貴氣!
Hello Kitty 今年以「MEET(遇見)」作主題,希望把不同地域的粉絲、朋友連結在一起,於是設計出超乎想像的「巨型牛奶樽」來,分別放於東京及大阪,究竟係咩玩法?
體驗式自動販賣機
投幣式的自動販賣機就見得多,今次的巨型牛奶樽,原來是體驗式自動販賣機!兩部分別是 Hello Kitty 和 Hello Mimmy 做嘜頭的「Meet Bottle」牛奶樽,一個被放於東京,一個被放於大阪。
玩家只要撳奶樽上的「M」掣,奶樽就會出現特別燈效,撳得多、出得多,仲會有大量蝴蝶結圖案出現。假如東京的玩家,與大阪的玩家剛好神同步撳掣,更會即時連線,奶樽上的貓樣變成屏幕,讓大家看見對方,可以 say Hi 做個 friend!
玩完這自動販賣機,就會有紀念牛奶樽「跌」出來,內附得意貼紙。
哪裏找巨型 Kitty 牛奶樽?
以下為 Meet Bottle 的出現地點及時間表:
日期及時間 | 東京 | 大阪 |
9 月 28 日 - 10 月 1 日 10am - 8pm | 京王百貨店新宿店 1 樓 正面入口特設會場 | ららぽーと Expocity 3 樓 Global Work 店前 |
10 月 7 - 9 日 10:30am - 8pm | Kiddyland 原宿店 | Kiddyland 大阪梅田店 |
10 月 12 - 15 日 10:30am - 8pm | 澀谷 Hikarie ShinQs 2 樓 | Kiddyland 大阪梅田店 |
10 月 20 - 22 日 11am - 8pm | Sanrioworld GINZA 1/F | 大丸梅田店 1 樓活動廣場 AnteNna+ |
11 月 1 - 5 日 11am - 8:30pm | Samantha Thavasa 表參道 GATES Pop-up Digital Store | Samantha Thavasa 心齋橋店 |
全新 Kitty 精品
10 月 7 日起,Hello Kitty 全新「Meet Hello Kitty's World」系列精品面世,當然少不了可愛牛奶樽設計!商品一率於「Kiddyland」率先發售,而且有限定產品,售完即止,粉絲要留意喇!
Meet Hello Kitty's World
率先發售點:Kiddy Land 原宿店、大阪梅田店、ハローキティ東京駅店、ヴィーナスフォート店、光が丘店、昭島店、吉祥寺店、二子玉川店、むさし村山店、港北ニュータウン店、ららぽーと湘南平塚店、新越谷店、埼玉羽生店、沼津店、浜松店、清水店、大曽根店、上小田井店、大日店、くずは店、四條畷店、ピオレ姫路店、高松店、小倉リバーウォーク店、福岡パルコ店、鹿児島店、青森店、エルム店、福井店、武生店、香里園店、豊岡店、草津店、倉吉店、米子店、山口店、穂波店、大塔店
日期:10 月 7 日至 11 月 5 日
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道隱世美食/必買手信等!↓