曾經在韓國打工的澳門人 KiKi 講過在韓國打工的辛酸事,例如「加班後,陪老闆食飯!」、「要學搖鈴冧老細」等,返正職咁辛苦,咁不如做兼職?得呀,事關據韓國方面報導,佢哋兼職中最低人工的「考試院店員」,每小時時薪都有 6,550 韓圜(約 45 港元),高出香港最低工資 34.5 港元大拿拿成 10.5 港元咁多。而我哋今次就搵咗 5 項香港同韓國都有的兼職,畀大家睇吓兩個地方的時薪差別。
# 咖啡店店員
6,679 韓圜/小時
雖然韓國的兼職最低工資高香港 10 港元,不過去到咖啡店的話,喺韓國沖咖啡就約 46 港元/小時,但香港最高就可到 60 港元。
# 網吧店員
6,617 韓圜 / 小時
韓國做網吧店員,有接近 46 港元一個鐘,但相比香港的時薪就只得 37-39 港元,每小時相差近 9 港元。
# 雪糕店店員
6,678 韓圜 / 小時
曾幾何時,做雪糕店店員都係我夢想之一,因為可以不停食雪糕 XD,嗱,喺韓國的話,兼職做雪糕店員有約 46 港元,同香港 Haagen-Dazs 的最高 47 港元時薪差唔多,不過香港方面就標明有多項津貼,咦!唔知其中一項係咪就係雪糕任食?
# 油站店員
6,713 韓圜 / 小時
韓國我唔知,但喺香港,一個油站店員其實好多嘢做,入油加收銀加便利店店員就連洗廁所都要一腳踢,所以香港油站店員兼職時薪 52-55 港元,而韓國則只有 46.5 港元。
# 便利店店員
6,562 韓圜 / 小時
便利店員,其實更辛苦,因為除咗收銀外仲要收貨補貨清潔等等等等等,但韓國方面的兼職價錢就只有約 45 港元,而香港則由 42-50 港元,大家的差距頗相近。
資料及部份圖片來源:1boon
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓