麥當勞破格出「霆鋒漢堡」！試埋「港式鋒味」鴛鴦雪糕+鹹檸七 | U Travel 旅遊資訊網站

澳門快閃遊

郵輪公海遊

其他目的地

正在閱讀
麥當勞破格出「霆鋒漢堡」！試埋「港式鋒味」鴛鴦雪糕+鹹檸七

文: U Travel 小編兔奴蛙

2017.09.24

相信呢個世上，除咗謝霆鋒屋企人、朋友同王菲以外，都冇乜人可以試到霆鋒手勢喇啩……？嗱嗱嗱，你咁諗就錯喇，事關呢位 chok 爆嘅星級主廚，最近就為麥記設計咗個漢堡，雖然漢堡唔係霆鋒親手整畀你食，但話晒都係佢設計，唔理喇，食完我都當自己係王菲呀今次！

今次霆鋒設計的漢堡名為「霆鋒酷辣雞腿堡」，話晒都霆鋒設計，點會咁簡單，呢個包用上四川麻辣醬及越式是拉差風味辣椒醬、加上麻辣板燒雞腿肉及麻辣雞腿肉絲，然後再搭埋墨魚汁麵包，哇！大膽到呢！

「霆鋒星推荐」力 sell「港式鋒味」，漢堡外仲包括霆鋒曲奇新地同麥旋風，係咪好想試吓先？

而除咗漢堡外，今次亦同時推出「創新港式鋒味甜品」，分別係有奶茶曲奇、鴛鴦雪糕及朱古力醬的「鴛鴦奶茶曲奇新地」、「鴛鴦奶茶曲奇麥旋風」以及「鴛鴦奶茶味甜筒」，食完麻辣包再食埋雪糕降溫，啱晒！

另外，同場亦加映西班牙米芝蓮星級大廚 Ramon Freixa 設計，以 100% 進口純牛加上墨西哥玉米片，配搭和風味噌醬等制成的「拉蒙鮮脆純牛堡」。想食？今次呢個霆鋒系列會由 9 月 22 日至

今季中國麥當勞仲有好多大膽新設計，好似呢款田園芥末蜂蜜風味「薯條．就醬」，好歐西風味啊！

食慣長條嘅嘅老麥批，正方形嘅大家點睇？「一批兩味」有 mini 菠蘿批+檸檬（！）椰果批，靈感唔知係咪來自一國兩制呢。

又檸檬！又唔知關唔關「謝檸檬」事，但呢款梳打特飲仲破格加入海鹽味道，咪變咗「鹹檸七」？好想試呀！

早餐方面，加 1 蚊人仔可升級栗子味豆漿，感覺好 winter 呀！

鋒狂追加：兩款霆鋒超 chok 海報，九一側面嘅鋒利眼神好迷人。

背面都有嘢睇，好靚呀件牛仔衫+圍裙。幾時返嚟開紅館呀霆鋒？！

麥當勞星廚系列

圖片來源：McDonald's China （官網 www.mcdonalds.com.cn）

推廣日期：即日 - 2017 年 10 月 31 日

推廣地點：僅在中國大陸地區部分麥當勞餐廳適用，具體活動信息以餐廳公告為準

↓全新旅遊主題登場↓
↓立即睇打卡熱點／地道隱世美食／必買手信等！↓

↓【限時搶連環賞】Cetaphil舒特膚透亮抗敏系列！↓↓
↓ 照顧哂您成個護膚程序！打造亮白光感肌！ ↓

即 like & follow 我哋，緊貼世界各地最新旅遊情報！

UTravel Facebook

UTravel Instagram

發表回應

下載App新會員送150積分換獎賞

團長UU熊

在線上