越南 必到咖啡公寓 40 間樓上 cafe任揀

越南 最出名就係咖啡，來到 胡志明 例牌都要去一去靚靚咖啡店打一打卡。不過單係第一區的選擇已經極多，唔想盲舂舂，當地人都推介我哋去咖啡公寓。深入舊宅民居，有超過 40 間樓上 Cafe、餐廳和精品店，選擇多又夠集中，迅速成為市內有名的文青蒲點。

在第一區阮惠大道旁的咖啡公寓，是有近 60 年樓齡的住宅大廈，在這一兩年間，不少食店和年輕設計品牌進駐，現時已經有超過 40  間樓上 Cafe、餐廳和精品店。樓高 10 層，可以步行樓梯，或畀 3 千盾（即約 1 港元）乘坐電梯。樓層梯間牆身斑駁，古舊的地磚，外露的電線，有年代感而獨特。穿梭每層左右二翼，頗有重慶大廈的感覺。不過開放式走廊設計，午間時到訪陽光充裕，感覺好安全。唔使怕羞，一間間佈置精緻、各有特色的 Cafe。逐層睇，逐間揀，可以睇啱先坐低慢慢 hea。出發前，可以睇埋記者幾間 Cafe 推介。

01/ $ 138　食一次越南 High Tea

Partea 茶室頗有驚喜，店內有超過 50 款來自英國的茶葉，由傳統花香、果香，到椰子、咖啡和酒香的新款茶葉都有。店內更有超過 200 套茶具挑選，一整面牆掛滿花卉、少女系的茶杯，全部都咁靚。主打的甜品 tea set，已包一壺茶，所有甜點全由人手每天製作，焦糖布甸面層用上加拿大進口的楓糖漿，中間一層布甸濃郁不會死甜；底層的心太軟新鮮出爐，中間流心味道濃郁。一 set 夠二人食，只要 138 港元。

info

Partea - English Tearoom ：4/F 咖啡公寓 

營業時間：9 am - 10 pm

02/ 工業風選物店 Cafe

The Maker Concept 是市內潮店，如果喜歡工業風格裝潢，就一定不可以錯過。除了有咖啡和熟食，店內更有超過 60 個本地手作品牌和二手衣物擺賣。一次過滿足行街、喪食兼打卡的心願。

03/ 平食蛋糕 hea 坐