秋天除咗楓樹，另一重點必定係掃帚草！圓圓的形狀非常趣緻，似足毛毛球，日本不同縣都有一大片掃帚草田，踏入 10 月，掃帚草田由綠轉鮮紅色，非常震撼！而家就介紹日本五大睇掃帚草熱點！
【茨城縣：由東京前往】#1 國營常陸海濱公園
國立常陸海濱公園位於茨城縣，離東京約 2 小時車程。9 月 16 日至 10 月 22 日是掃帚草節，屆時公園的見晴之丘會滿布紅中帶綠的一團團草球，總共約有 32,000 株掃帚草，到 10 月中會變成鮮紅色！不過亦因為太出名，平日早上已被人潮攻陷，唔想花海變人海的話，要預早出門。
國立常陸海濱公園
地址：日本茨城県常陸市大字馬渡大沼 605−4
電話：+81 (0) 29 265 9001
營業時間：9 月 1 日至 10 月 31 日 9:30am-5pm，依季節略作調整，部分月份有休園日，請先上官網瀏覽，今年 10 月 1 日及 22 日為免費入園日
入場費：15 歲以上 410 日圓（約 29.3 港元）、中小學生 80 日圓（約 6 港元）、65 歲以上 210 日圓（約 15 港元）、 6 歲以下免費
交通：JR 品川站乘常磐線至勝田駅（特急列車約需 85 分鐘），於勝田駅東口 2 號乘車場，轉乘巴士往海浜公園西口或南口
地圖 按此
【滋賀縣：由京都前往】#2 箱館山掃帚草公園
關西地區都有可愛的掃帚草睇！箱館山掃帚草公園位於滋賀縣，京都出發約 48 分鐘，大阪需約 1 小時 17 分鐘。園內約有 2,000 株掃帚草，分散在四個區域，預計 9 月 16 日至 10 月 15 日就會轉紅色。
箱館山掃帚草公園
地址：日本滋賀縣高島市今津町日置前 4201-1
電話：+81 740 22 2486
營業時間：9am-5pm
收費：成人 1,850 日圓（約 130 港元）、小童 930 日圓（約 65 港元）、3 歲以下免費，已包纜車往返和門票
交通：由京都站出發約 1 小時到 JR 近江今津站西出口，於 2 號巴士站轉乘巴士
地圖 按此
【岐阜縣：由名古屋出發】#3 花之驛 Hirugano 高原掃帚草公園
名古屋附近的岐阜縣都係賞掃帚草勝地，9 月下旬至 10 月 22 日會由綠轉紅，園內約有 1 萬株掃帚草，秋天仲同時睇到大波斯菊和蕎麥紅花！
花之驛 Hirugano 高原掃帚草公園
地址：日本岐阜縣郡上市高鷲町ひるがの 4670-75
電話：+81 575 73 2311
營業時間： 8:30am-5pm
收費：成人 500 日圓 (約 35 港元)、小童 300 日圓 (約 21 港元)
交通：名古屋白川鄉綫高速 Hirugano (ひるがの) 高原站下車，轉乘穿梭巴士
地圖按此
【埼玉縣：由東京出發】#4 國營武蔵丘陵森林公園
位於埼玉縣的國營武蔵丘陵森林公園，是日本第一座國營公園，佔地 304 公頃，運動廣場花畑可見掃帚草田，坐擁 10,000 株掃帚草，10 月開始逐漸換上鮮紅新裝。除了掃帚草，還蕎麥花、雞冠花等多種花卉供觀賞。
【山梨縣：由東京出發】#5 大石公園
唔想只得掃帚草咁單調？咁位於山梨縣的大石公園就係你的最佳選擇！事關它位於河口湖自然生活館內，附近就係東京地標富士山！踏入 10 月中下旬，鮮紅的掃帚草和藍藍的河口湖和富士山形成強烈對比，孔雀草和秋葵亦會同時開花，畫面更豐富，而且唔需要入場費！
大石公園
地址：山梨縣南都留郡富士河口湖町大石 2585
電話：+81 0555 76 8230
營業時間：9am-6pm
收費：免費
交通：富士急行線河口湖站，乘 Retro 巴士至「河口湖自然生活館」下車，由新宿出發全程約兩小時 15 分鐘
地圖 按此
圖︰U Magazine、Facebook、網上圖片
文：Venice
↓必睇人氣美食主題深度關注組↓
↓即刻入App睇盡即日/未來7日Chill抵優惠↓
utravel
發表回應