去得 越南 旅行，唔少人都貪機票平，當地物價又低，仲有好多好嘢食。不過想在 越南 胡志明市 搵間划算又高質的酒店，就要睇睇記者以下兩間性間比高的靚酒店推介啦！
01/ 唔使 $1,000！每晚免費做 SPA
唔只係去泰國，去 越南 旅行都要享受吓、歎一歎！去年才開業的 Fusion Suites Saigon，由 越南 當地近年冒起的酒店大牌經營，住宿質素有保證。相比品牌旗下的 resort，城市 Suites 系列價錢較為便宜，基本雙人房最平每晚 938 港元，都一樣有 Resort 級的享受。房價已包每人每晚 50 分鐘的 Spa Treatment，仲可以免費上瑜伽堂。加上酒店選址極佳，鄰近遊客必到的檳城市場，性價比高，絕對是抵住之選。
呢口價錢，住得舒適。基本的雙人套房已有約 350 平方呎，相當寬敞。房間配件、家具十分精緻，整體的溫暖木調，再配搭白色和木紋家具，甚有北歐 feel 。加上屋頂型的天花設計，牆壁上的捕魚靚相，既把越南傳統的原素融入當中，又不會顯得好「娘」。所有房間更設落地大玻璃，採光一流。若果想闊落少少，可以加多約 300 港元， 升級至 Corner 套房，除了有兩面落地大玻璃，房面積亦多了過百平方呎；酒店亦有兩房套房，最適合一班 FD 子一齊住。
Fusion Suites Saigon
地址：3-5 Suong Nguyet Anh, District 1, Ho Chi Minh City, Vietnam
電話：+84 (0)28 3925 7257
房價：基本雙人房每晚 938 港元起（已包早餐及每人每晚一次 50 分鐘 spa）
交通：由胡志明新山一國際機場乘的士前往，車程約 30 分鐘，車費約 69 港元
02/包兩餐！住靚裝懷舊酒店
最新的設計酒店 The Myst Dong Khoi 在今年 6 月才正式 Grand Open，位置極佳，位於 越南 胡志明第一郡的心臟地帶，距離人流最旺的行人區阮惠大道亦不過 5 分鐘路程。酒店有 6 款房型，統統都以懷舊做賣點，捨棄商務酒店的單一簡潔設計，房內處處可見設計者的巧思，傳統的木造沙發、衣櫥以及舊式撥盤電話，設計獨特。最抵讚，每間房更設有露台浴缸，被鐵窗花綠藤包圍，時刻都可以歎 jacuzzi！基本房一晚唔使 1 千港元，仲包早餐和下晝 tea buffet，實在太抵住。
在街上細心一看 15 層高的酒店，純白的建築，大大小小的方形、三角形窗口，設計極具心思。攀爬的綠藤勾在白窗柵，遠睇已經超級靚。在頂層更有一個 24 米長的池畔，栽種了高高低低的雞蛋花樹，藤製的碗形 sun bed，躺在其中曬太陽，極慵懶。加上泳池只供住客使用，唔使同人逼，慢慢影相都得。
房價：基本雙人房每晚 990 港元，已包早餐、Mini Bar 及下午餐
↓即睇免費獨家足本專訪↓
↓↓試玩、試食、試用影片任您睇↓↓
utravel
發表回應