【潮日放送】 福岡出發去由布院溫泉  2小時高速巴士快靚正!

2018.02.05

由布院 有出名的溫泉,有不少去福岡的遊客都會順道一去。最直接的交通工具就是搭 JR 或深受遊客歡迎的觀光列車「由布院之森」,但由於光岡至日田站之間路段的橋被 7 月的大雨沖毀,以致要由福岡繞路「北上」,經小倉、別府再回到由布院,車程最快都要 3 個小時。唔想搭長途車,可以試搭高速巴士,價錢又平又快。

被沖毀的光岡至日田站之間路段的橋,最快要到明年才修復,除咗搭 JR 仲有乜最快途徑呢?其實可以選擇搭高速巴士「士ゆふいん号」,每日有 19 班巴士來回福岡及由布院(或湯布院,一地兩名),由福岡機場出發,車程只需 1 小時 35 分鐘,如果由天神站去都只係 2 小時 15 分鐘左右,夠晒快速,想即日來回,早去晚返都不成問題。如果只去數天,沒有買北九州的 JR Pass 的話,更加建議大家選搭高速巴士,因為單買 JR 特急票已經要 4,550 日圓,而巴士只需 2,880 日圓,來回票亦只係 5,140 日圓(單程平均 2,570 日圓),二人同行,仲平得多。


【延伸閱讀】【#UTravel潮日放送】北海道最壯觀絕景 6 選 9 月出遊絕不能錯過

【延伸閱讀】【#UTravel潮日放送】【#2017睇紅葉】日本紅葉預想出爐 快手搶平機票 

每日有 19 班巴士來回福岡到由/湯布院,在福岡機場出發,只需 1 小時 35 分就去到,夠晒方便。而且買來回票,仲有得平,每程只須 2,570 日圓(約 180 港元),買 4 人單程仲平,只需 8,220 日圓 (平均 2,055 日圓),確實抵到無朋友。

因為票價太平又快,所以經常 full booking,建議在出發前 10 日在網上訂飛,包無用拖。

方法簡單,只要揀選出發及到達地方,再選揀路線及出發日期。

再選擇出發時間。

確認後,再輪入人數。

輪入個人資料,後付款。完成!

由布院巴士站就在 JR 附近,非常方面。

網上訂票:atbus-de.com(點擊網站左上角可開始預訂)

資料來源:fukuoka.com.hk

巴士時間表:nishitetsu.jp

JR 由布院列車時間表(即日至2018 年 2 月):jrkyushu.co.jp

即 like & follow U Travel Facebook / U Travel IG / 旅遊快搜 Facebook 專頁,緊貼世界各地最新旅遊情報!用WeChat掃一掃下面QR Code,follow埋U Travel精選內容!

tiffany009n
11/02/2018 11:49
請問上網訂購後會mail乘車券,這乘車券有需要在換成車票嗎?
相關情報