日本 達人杜如風又創新高,將於今個農曆新年初一帶隊去 東京,仲要係每位價錢十幾萬嘅豪華團,用海陸空式歎盡 東京,當然徇眾要求齊齊去 shopping,名額非常有限。究竟個團有幾正?即睇:
杜如風繼上年以 HK$88,888 創出豪華團團費新高,今年再要打破紀錄------HK$1XX,XXX!
由於杜如風本人及團友購物意慾太高,今年增加多一晚,成六天五泊團,再轉往杜如風主場東京,分分鐘帶大家行南青山、裏原宿、銀座,擔保大家可以買到攰。作為貴賓,當然有五星級購物享受,即睇呢個超級豪華團有幾豪!
1/ 坐 JAL 商務艙來回香港成田機場
據聞 JAL 商務艙數量不多,要爭得機位,當然要用金錢,同時有機會坐上 JAL SKY SUITE,可以完全平躺,23 吋 LCD 螢幕;再加上極美味的飛機餐,只限商務艙以上才可享用的日本酒,齋機票已經近 2 萬。
2/ 獨嘆箱根溫泉 villa
到達成田,即開車前往箱根浸溫泉 relax,雖然箱根是老牌溫泉區,但一直是有錢人的度假區,當中的強羅花壇更有 8 間獨立小屋、獨立溫泉,夠高度 privacy。
強羅花壇
地址:日本 神奈川縣足柄下郡箱根町強羅 1300
3/ 食天皇御用料理
血戰東京前,先補充能量,據說會開車走到山梨縣天皇最愛的餐廳,每個套餐價值 9,000- 12,000 日圓,用甲州高級食材,如鮑魚、紅酒牛、松茸等等。
常磐酒店
地址:日本 山梨縣甲府市湯村 2-5-21
4/入住過千呎東京酒店
大家都知東京酒店幾咁細啦,唔夠位放貴賓的戰利品點得㗎~所以這次入住赤坂附近的東急 Capital 酒店的過千呎套房。按酒店網頁介紹,其 27 至 29 樓的 executive suite 面積達 104.7 平方米(即 1,163 呎),房間更備有 handy 手提電話,可免費打長途至 6 個國家,包括香港。
東急 Capital 酒店
地址:日本 東京都千代田區永田町 2-10-3
5/ 三星米芝蓮懷石
連續兩年奪得米芝蓮三星,可想而知幾難預約,而且按飲食網,每人平均消費近 30,000 日圓。店主小泉先生做的每道菜都盡細緻唯美,千載難逢機會,跟如風一齊食好西。
虎白
地址:東京都新宿區神楽坂 3-4
6/ 東京海陸空
東京當然坐巴士 shopping,但勁在用豪華巴士,由一般的四十多個位,改成 24 個位,可以想像有幾寬敞,真係買幾多都放得落;再有坐遊艇食晚餐,終極之夜,更會坐直昇機,鳥瞰東京夜景。
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道美食/住宿指南等!↓