今年颱風好似特別多,未來幾日預計又有颱風橫過台灣,有即將於颱風「打到正」當日出發赴台的旅客,於網上群組詢問對策。有人話可以考慮早幾個鐘去現場 check in、搏吓可唔可以候補早一班的機位,甚至提早一日出發去機場輪候機位,希望早日成行!到底 work 唔 work?
01|官方口徑:睇番機票更改條款 + 留意航空公司資訊
不少網友以過來人身份奉勸大家,如果預期風球「打到正」,最好盡早向航空公司要求延遲出發,然而一張機票能否改期,正常情況下,首先取決於機票本身的更改條款。以中華航空為例,於官網訂購機票付款前,列出機票條款明細,如下圖這張由香港出發往台灣的優惠價機票,列明可重發(re-issue)但須付 200 港元。
至於因惡劣天氣因素而導致旅客需要更改行程,旅客須留意航空公司的官方公布,如各大航空公司均會在颱風來臨前發表應變措施,如為旅客提供免費改期或取消機票等。
但如果航空公司仍未公布,旅客又唔想畀錢改機票,自己提早去機場候補,有冇用?華航公關部門代表回應稱:「如果航空公司未發布相應對策,更改機票就需要視乎機票更改條款。旅客可以密切留意官方公布,或致電華航當地的客戶服務熱綫查詢。」即係地勤人員都未必幫到你,不建議大家提早去機場,以免撲空啦!
02|前綫員工:地勤可以安排提早上機,實情係……
網上流傳極多旅客現身說法,聲稱「地勤畀我提早上機」,其實在咩情況下,地勤人員先會為乘客更改機位?就此我哋訪問了某本地航空公司的地勤人員分享經驗:
因素 A. 又關「overbook」事
「留意很多這些網友案例都是多航班的短途機,如香港飛上海、北京、台北等,好像港龍一日就有 10 多班機飛上海。假設當公司知道下午飛上海已經 overbook(超額訂位),上頭就會落 order 畀前綫同事安排早 check in 的乘客搭早一班機,以疏導的 overbook 情況,呢啲情況係經常會出現。」
因素 B. 航空交通管制
「航空公司亦會預早知道內地的航空交通管制狀況(Air Traffic Control),內部都會作出調動乘客的安排。好多人會因為能夠『早啲飛』而覺得好彩,但其實如果冇事冇幹,一般航空公司都唔會做無謂嘅改動。」
因素 C. 惡劣天氣呢?
「如有關這種『不可抗力的因素』所導致的更改機票問題,我會先打去購票代理查詢。留意番:如機票經由旅遊產品網站或旅行社購買,需致電相關機構,而並非航空公司!而地勤一般做法,一定係跟足官方宣布去安排,如果乘客有需要更改航班,建議大家先於網上處理或致電客服,並不建議乘客貿貿然去機場。」
因素 D. 有冇酌情權?
「如果一切運作正常,『揸正來做』的話,冇得改就是冇得改;但地勤會否按個別例子而行使酌情權,某程度上又視乎現場當值經理的決定,當值經理如何處理,視乎很多因素,難以一概而論。」
因素 E. 尊貴會員有冇特權?
「航空公司會籍的會員身份,有冇機會凌駕埋機票本身的條款限制,視乎各大航空公司的做法而定,但行內皆知,某本地航空的鑽石 / 金卡會員其實係近乎有求必應,以 overbook 情況為例,真係點都會畀佢哋上機,唔會搞得着佢哋,當值經理亦會乜都幫佢哋 waive,都係嗰句:有求必應!」
【延伸閱讀】颱風日出發旅行懶人包 機場交通搭乜好?
【延伸閱讀】颱風惡劣天氣延誤航班 旅行保險點賠法?
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓