【瘋台灣】台北 3 大行山賞芒草路綫金黃海洋入秋必睇！ | U Travel 旅遊資訊網站

×

用 App 睇文更快更順，睇盡旅遊資訊

現登入 U Lifestyle App 仲送250 U Fun，現金券、優惠折扣隨時等您攞！

下載 App 用 App 開啟

正在閱讀
台北 3 大行山賞芒草路綫金黃海洋入秋必睇！

發佈時間: 2017.09.12

文: U Travel 小編兔奴蛙

一到秋天，好多人都會去賞芒草，但香港賞芒來來去去都只係幾個地點，台灣就唔同，呢個貴為世界上芒草分佈最密集的地方之一，真係去到邊都有無窮無盡的賞芒地點，而今次就我哋就找來 3 條可以在台北出發、兼芒草分佈遍山的賞芒路線，畀想賞芒嘅大家參考。

01｜金瓜石無耳茶壺山步道

最佳賞芒月份：10-12 月

位於新北市瑞芳的金瓜石，每到秋天遍山都長滿芒草，若想近距離或以最佳位置賞芒的話，就一定係去「無耳茶壺山步道」，登山步道位於勸濟堂上方停車場旁，沿步道而上兩旁已可見到整遍山被金黃色的芒草覆蓋，行約 2 小時，到達茶壺山景觀台或寶獅亭後，除了可在高視野賞芒外，更可遠眺東北角海岸線及陰陽海等。

要注意的是，由於無耳茶壺山最頂部是需要攀爬、頗為高難度，故沒有足夠體力或穿着適當登山裝備，完全不建議攻頂。<br /> — 要注意的是，由於無耳茶壺山最頂部是需要攀爬、頗為高難度，故沒有足夠體力或穿着適當登山裝備，完全不建議攻頂。

圖：elsachen1130@ig

前往方法：

在於捷運忠孝復興站 1 號出口，復興南路一段 152 號乘搭基隆客運 1062 號，至勸濟堂站下車。

地圖按此

02｜陽明山夢幻湖

最佳賞芒月份：11-12 月

好多當地人去陽明山賞芒都一定會去擎天崗，但位於陽明山國家公園七星山東南麓的夢幻湖，其實亦是一個不錯的選擇。到達夢幻湖後，天氣許可更能見天、湖、草合一的景象，而由於在山裡的夢幻湖，不時被雲霧繚繞，所以霧起之時係度賞芒，真係既夢幻又浪漫。（圖：tp6814059@ig）

從夢幻湖停車場到步道再到觀景台，沿途已遍山芒草。（圖：alicia1209@ig）

整片芒草及淺藍的天空包圍著夢幻湖，再加埋湖中的倒影，真係畫一樣咁靚！（圖：chen8928@ig）

就算唔係芒草季，呢個夢幻湖都好靚，係行七星山的必睇景點，值得一去。（圖：smallyu1029@ig）

交通：捷運劍潭站外乘搭巴士「小 15」路綫，於尾二站「冷水坑遊客服務站」下車，步行約 15 分鐘到觀景台。

地圖按此

03｜九份寂寞公路、不厭亭

最佳賞芒月份：10-11 月

比無耳茶壺山步道距離九份老街更遠，被喻為寂寞公路的「台 102 線公路」中的不厭亭，一直以來都係攝影發燒友的影相聖地。而每年秋季，公路兩旁的芒草都會盛開，在不厭亭中望向公路，整座山猶如被銀海包圍，雖然更顯得呢條公路好寂寞，但就靚！到！震！

圖：forever7104@ig

前往方法：在九份老街搭的士前往，車程約 13 分鐘

地圖按此

溫馨提示：賞芒時麻煩同時保持公德心，切勿亂摘芒草或破壞環境，以及記得把自己的垃圾帶走。另外，由於山上溫度較低及較大風，故最好帶備外套保溫，以及準備足夠的水及食物。

圖片來源：architexas@ig、linloveflower@ig、alicia1209@ig、andycheng413@ig

↓↓↓【新登場！】全新U Lifestyle App ↓↓↓
免費下載隨時隨地睇盡最Hit旅遊及生活資訊！

即 like & follow U Travel Facebook / U Travel IG / 旅遊快搜 Facebook 專頁，緊貼世界各地最新旅遊情報！

內容標籤

相關活動

發表回應

暫時沒有回應

免費登記成為U Lifestyle 會員
即時接收最新資訊並盡享獨家優惠！

立即登記

更多台北觀光介紹

免費登記成為U Lifestyle 會員
即時接收最新資訊並盡享獨家優惠！

最高瀏覽