旅行出發當日,不幸遇上颱風襲港,好多人都唔知點算好:仲有冇得飛?去唔去機場好?Delay 又點算……U Travel 結集多個有關交通、航班安排和旅遊保險賠償的常見問題,搵來業內人士解答+經驗分享,給大家多個參考。
01|8 號風球就到 / 打到嚟,去唔去機場好?
旅客應同時不斷更新香港機場網頁的即時航班資料 (www.hongkongairport.com),以及選搭航空公司的官方網頁。
以 8 月 23 日最接近本港的熱帶氣旋天鴿為例,於 22 日機管局及各大航空公司已清楚公布取消航班的資訊,如香港航空說明 23 日 7am - 5pm 所有航班取消。如有航班延誤或取消等最新資訊,一般都會即時更新,善用網上登機的短訊或電郵通知,亦有助掌握最新消息。
02|打大風,搭乜交通工具去機場好?
如果你班機冇取消,又已確認機位,並打算前往機場,旅客需要更新所選搭之交通工具服務狀況,重點係預早時間去機場,始終路面狀況可能有變化。
機場巴士:8 號波前定後停駛?
交通工具方面,不少人仗以前往機場的城巴、新巴及龍運機場巴士綫,亦會視乎環境因素而決定班次情況,如果有需要搭巴士入機場,早上車着數!
以天鴿襲港的 23 日清晨為例,天文台於 5:20am 改掛八號風球,而城巴、新巴及龍運巴士早兩小時已宣布日間停駛(除少數路綫如東涌到機場的 S1 路綫),即係未掛 8 號已經知道冇巴士搭;而 6 月 12 日襲港的「苗柏」,天文台於 5:20pm 掛八號風球、尾班巴士則於 8:30pm 先開出尾班。8 號風球時,機場巴士幾時停駛講唔定,都係嗰句,睇實巴士公司發布路綫消息啦!
新巴及城巴網頁 www.nwstbus.com.hk
新巴熱線:2136 8888
城巴熱線:2873 0818
機場快綫:9 號風球即時停
唔少網民分享話,打風日子搭港鐵最安全可靠,而按港鐵官網表示,8 號風球期間及前後機場快綫則會視乎情況行駛,亦可能因應天氣狀況而暫停;如果天文台發出 9 號或更高風球,港鐵會即時暫停所有地面和架空路段的港鐵列車,包括機場快綫!乘客可留意港鐵網站或 MTR Mobile app 的最新車務消息,以便安排行程。
link:www.mtr.com.hk
的士:加價、雙計好平常?!
↓ 請您免費飛轉日/韓/泰!↓
↓立即睇打卡熱點/地道隱世美食/必買手信等!↓