每次旅行回程最怕執喼,只因沿途喪買到爆喼,真係唔知點算。部分遊客都會出動真空袋,但你估每次都搵到吸塵機咩~意大利品牌 Wacu 就出咗部手掌咁大嘅抽真空機,啱哂帶去旅行用,但咁細部,係唔係真係 work 呢?小編即刻試試。
# 機身細細抽真空機
意大利品牌 Wacu 抽真空機 9 月正式引入香港,大家都可以喺香港買到呢部同手掌差唔多大細嘅抽真空機。無論旅行用定家庭收納用,都方便收藏。
# 3 種大小抽真空袋
搭配使用 Wacu 抽真空機嘅抽真空袋有 5 款,每款都分有大、中、小 3 種尺寸。
小:60 × 40cm $99/每盒兩個
中:80 × 60cm $118/每盒兩個
大:90 × 70cm $138/每盒兩個
#操作過程
用法非常簡單,先將抽真空袋封口,再喺抽真空袋上擰上吸嘴。
抽真空機連接電源後,放喺吸嘴上再開啟電源,抽真空機就會開始抽走袋內空氣。
完成後,關上電源就可以。
#實試報告
試用時,用中型大小嘅 Wacu 抽真空袋, 放入兩件外套、一條頸巾、一條毛巾、一個頸枕同一個公仔。
Wacu 抽真空機稱可以 60 秒完成整個抽真空程序,但試用時,則花咗約 2 分鐘 12 秒。
喺抽空時施加額外壓力,可以加快抽走空氣嘅速度。
如果經常在外工作,需要帶大量衣物更換嘅話, Wacu 抽真空機的確可以幫到手。
但如果只係喺屋企用, 除非住喺超級蝸居,而且收納空間十分細小,否則我認為可以有其他選擇,例如一般吸塵機。
貼心位
1. 夠細部
2. 可以兩用:旅行用、家庭收納用
3. 四款旅行插蘇,唔需要帶多個轉插器
4. 同系列抽真空袋外觀精美,可以用圖案分類
可惜位
1. 冇得預先叉好電用,旅行就要帶多個火牛
2. 只可以用同系列嘅抽真空袋
3. 抽真空袋內衣物過多嘅話,抽真空過程需要時間相對較慢
※溫馨提示:將衣物放置抽真空袋內抽真空目的係減少空間,而唔係減少重量。
#邊度有得賣?
HKTV Mall
網址:hktvmall.com
Log On 銅鑼灣時代廣場分店
地址:銅鑼灣時代廣場 B1 地庫
營業時間:星期一至四及公眾假期 10am - 10pm、星期五至日及公眾假期前夕 10am - 11pm
地圖:按此
Log On 尖沙嘴海港城分店
地址:尖沙咀海港城港威商場三階 3202 號舖
營業時間:星期一至四及公眾假期 10am - 10pm、星期五至日及公眾假期前夕 10am - 10:30pm
地圖:按此
Log On 九龍塘又一城分店
地址:九龍塘又一城 UG 層 01 號舖
營業時間:星期一至四 11am - 10pm、星期五至日及公眾假期前夕 11am - 10:30pm
地圖:按此
Log On 太古城中心分店
地址:太古城中心二層 260-261 號鋪
營業時間:星期一至四 10:30am - 10pm、星期五及公眾假期前夕 10:30am - 10:30pm、星期六 10am - 10:30pm、星期日及公眾假期 10am - 10pm
地圖:按此
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓