濟州巴士重組路綫巴士上增設免費 Wifi

2017.08.31

「出發到濟州自遊行前，見個個網民都話搭巴士好難，最好就自駕遊。但係冇車牌唔通日日包車咩？咁貴！」以上係唔係大家去濟州島旅遊嘅心聲呢？唔使再擔心了，8 月底起濟州已實行巴士路綫重組，巴士多咗快咗方便咗，加埋 apps ，自助遊就絕對無難度！

車身顏色、號數區分行車路綫

8 月 26 日起，濟州巴士系統正式重組並開始實行。由原本 3 種巴士類型改為 4 種，並以顏色區分：紅色車身為急行巴士、藍色車身為幹綫巴士、綠色車身為支綫巴士、以及黃色車身為循環觀光巴士。而且巴士車號統一為 3 位數，只要認住頭一個數字就可以分辨出該巴士嘅路綫。

首先每日營運巴士數量由 530 架增至 797 架，換言之出車時間區間減少，唔使等咁耐車喇！（小編試過等個半鐘啊！）另外巴士上，會增設免費 wifi，簡直係遊客福音！

路綫重組前，巴士分有市內、市外兩種，收費唔一樣，市外巴士費用較貴。行車路綫變更後，車費統一為 1,200 韓圜（約 8 港元）。如果用 T-money、Cashbee 等交通卡結算，會平 50 韓圜（約 0.34 港元），而且可以享有 40 分鐘內免費轉乘 2 次優惠。

要留意急行巴士收費不同，由 2,000 韓圜（約 14 港元）起跳，每 5 公里加 500 韓圜（約 3.4 港元），上限為 4,000 韓圜（約 28 港元）。

急行巴士路綫起點同終點都是濟州國際機場，共有 12 條路綫，官方網站稱 1 個鐘內可以去到你的目的地。換句話講，搭急行巴士就可以 1 個鐘內去到機場！

新設的循環觀光巴士連接大川交叉路（濟州東部）和東廣交叉路（濟州西部）附近的主要景點，而且會安排巴士旅行義工在巴士上為旅客提供旅遊、交通資訊。

想知道要搭幾號巴士去目的地，可以用 Naver Map 的 apps （有網頁版）幫手，只要識少少韓文就用得到。

唔識韓文嘅話，可以用 Google Map，但係 Google Map 尚未更新巴士路綫資料，巴士車號需要新舊對換，詳情可以參考韓國觀光公社濟州小編嘅整理。

網址：JEJUEZGO

韓國觀光公社

Visit Jeju 濟州旅遊綜合網站

圖：官方網站

↓【限時搶】八蠔吧 Raw Bar No.8 「蠔情夜宴套餐」！ ↓↓
↓ 生蠔 (廚師發辦) + Prosecco氣泡酒！ ↓

即 like & follow 我哋，緊貼世界各地最新旅遊情報！