試幻想一下，若然响藍天白雲底下，被一大片橙色的金針花海環抱，係一件幾咁美滿的事呢！而家可以喇，事關位於台灣花蓮縣的六十石山金針花海已經開始開花，整片綠悠悠的草地上開滿大大朵嘅金針花，置身花海真係可以將平時悶氣都一掃而空，响 9 月底前會去台灣的話，記得唔好錯過！
想睇到呢個 360 度一覽無遺的風景，咁就要上到花海頂部「忘憂亭」喇。（圖︰roylulomo @IG）
金針花於 8、9 月盛開，六十石的小山坡上地遍都是金黃小花，極美！（圖︰plover319 @IG） 連日本搞笑藝人渡辺直美去年也曾到此一遊！
六十石山上的烏魚山莊內有個「烏魚水池」，金針花季時被金黃小花包圍，靚到成個仙境一樣，不過今年池瑭已被圍起，未能靠近喇。（圖︰magic6398191 @IG） 近鏡一睇，冇錯！呢啲金針花就係大家平時食「金針雲耳蒸雞」入面嗰啲金針，只係食用的「金針」是在花苞盛開前就已採收，然後加工而成。（圖：an740222@IG）
面積達 63.15 公頃的「六十石山金針花季」由即日起至 9 月 24 日，而預計 8 月中以後就會進入盛開期，亦係賞花最好時機。（圖：yachulei @IG）
盛開時間極短，所以金針花又叫「一日美人」，唔好以為所有金針花都食得，因為觀賞用的大部分都有毒性，所以千祈唔好亂摘！（圖：flupic @IG） 溫馨提示一下：雖然花海真係好靚，但麻煩大家千祈唔好為咗影相或任何理由而去採花同踐踏金針花，因為金針花只要傷咗根部就要花超過一年時間去重新種植，所以記得賞花之餘亦要做個有公德心嘅人。（圖：rain999777 @IG） 六十石山金針花季 2017
日期：即日至 9 月 24 日
地點：台灣花蓮縣富里鄉竹田村
交通：遊客可從花蓮開車到六十石山，車程約三小時；或搭台鐵至花蓮站下車，轉搭往富里的花蓮客運，於富里再轉的士上山。
網址：www.erv-nsa.gov.tw
地圖 按此
即 like & follow U Travel Facebook / U Travel IG / 旅遊快搜 Facebook 專頁，緊貼世界各地最新旅遊情報！用WeChat掃一掃下面QR Code，follow埋U Travel精選內容！
發表回應