好多人週末想鬆一鬆,除咗去澳門外,亦會選擇即日來回深圳食飯揼骨;若然你唔鍾意揼骨的話,其實深圳都仲有好多選擇!例如睇展覽:被喻為全球 10 大必睇展覽之一的日本 teamLab 新創作,睇完去仲可以去同區嘅 Line Cafe 食 Tea 掃精品,兼飲埋國內大熱的喜茶,哇!深圳一日遊咁玩法,係咪好充實先~
01|第一站:唔洗去日本都睇到的 teamLab
作為全球十大必看展覽之一,好多朋友曾經睇過 teamLab 嘅展覽都讚不絕口,曾於巴黎、倫敦、LA、東京、北京、台灣及韓國等地展出過後。「teamLab: 舞動!藝術展 & 學習!未來の游園地」終於嚟到同香港相隔好近嘅深圳設展覽,想睇又未睇過嘅朋友,襯住今次展出地點咁近,都不妨去參觀下。
teamLab 的展覽大部份以自然景像為核心,配合燈光投射、音效及人體動作,令睇展覽的人進入一個夢幻世界。今次 teamLab 展覽共有 14 個展區,分別係全球首次展出、呼應燈森林的「一筆」、「水晶宇宙」、花與人,不為所控卻能共生的「度時如年」、以生命之力活著「冰冷的生命」及香港都有的彩繪城鎮等,保証大家睇完會歎為觀止。
呼應燈森林 - 「一筆」
人站在燈盞附近時,燈盞會明亮地釋放出能夠形成共振的色彩;以這盞燈為起點,光線傳播至距離最近的兩盞燈。燈盞之間傳遞著同樣的顏色,依次下去,不斷傳遞。而受人們動作影響,燈盞的光線會一分為二,形成貫穿所有燈盞的一條線,最終在起點,即第一盞燈處彙合。
水晶宇宙
以累積光點的方式來創造一個雕塑品,在水晶宇宙裡,光的顆粒以數位控制,並根據觀賞者與作品的互動而產生變化,而觀賞者更可透過手機選取創造水晶宇宙的元素跟作品進行互動。
花與人,不為所控卻能共生 - 度時如年
花朵會從誕生、生長、結出花蕾、開花,到不久後的凋謝、枯萎、死亡。而最正的係花朵會根據觀賞者的行為舉動 (一定距離的凝視丶或是觸摸花朵丶踩踏花朵之類),而誕生成長一齊開花,或是展現出一剎那的凋謝枯萎。
舞動藝術展 & 未來游樂園
舉行日期:2017 年 7 月 8 日至 11 月 30 日
時間:10am - 10pm
地點:深圳歡樂海岸創展中心 (中國深圳市南山區白石路 8 號歡樂海岸)
價錢:成人 RMB199 (星期一至五,不適合公眾假期)及 RMB229(任何時間)、兒童及學生 RMB160(入場需出示學生証)
交通:深圳地鐵深圳灣公園站 E 出口
02|第二站:必飲內地人氣「喜茶」
欣賞完驚為天人嘅展覽後,當然坐低唞唞,咁就一定要去埋展覽場地旁的「喜茶」飲返杯人氣爆登的芝士奶蓋茶!全國共有 50 多間分店的「喜茶」,喺深圳可謂係極紅的飲品店,好多分店都大排長龍,不過呢間地點問題所以比市中心的人流較少,不用花太長的等候時間。
INFO
喜茶 海岸城店
地址:深圳南山區天利名城二層露天廣場
電話:+86 (0)755 865 909 06
03|第三站:轉場 LINE Cafe 攬攬熊大!
飲完嘢,大家都應該餓餓哋?咁就啱喇,大家可以由南山區搭 10-15 分鐘的士,去到海岸城購物中心 LINE Friends Cafe & Store,先醫肚後 shopping!作為官方 Cafe ,巨型 Line 系人物擺設當然唔少得,而除咗熊大外,仲有熊大妹 CHOCO、James、Jessica 及 Cony 等畀你任 selfie。除咗 Cafe 外,夜晚呢度仲會變身做 Pub,可飲到 LINE friends 手工啤酒 添,乾杯!
Line Friends Cafe & Store 深圳店
地址:深圳南山區文心五路33號海岸城購物中心二層 203-205 舖
營業時間:10am - 1am
交通:深圳地鐵 2 號線,后海站 D1 出口
↓ 請您免費飛轉日/韓/泰!↓
↓立即睇打卡熱點/地道隱世美食/必買手信等!↓