2017.08.17
唔好以為去日本實要好大使，其實識食都可以食得平靚正。來到這間位於東京自由之丘的「波の」，打開餐牌，嘩！魚子丼最平 780 日圓（約 55 港元）就有交易，絕對係窮遊人士、留學生、月光族福音。「波の」（Namino）是一間魚子專門店，上年底開業，主打新鮮又低價的魚子飯。雖然價錢親民，但依然嚴選青森縣和北海道的新鮮魚子，用料質素有保證。
780 日圓就食到魚子丼（いくら丼），又真係抵嘅。最重要係魚子粒粒都大大粒、脹卜卜，看起來同其他貴價的魚子丼一樣咁豪華。如果咁都滿足唔到你嘅，仲可以食 1,180 日圓（約 83 港元）的增量版（いくら丼いくら増し） 甚至是雙倍魚子版（いくら丼いくらダブル）也只需 1,480 日圓（約 104 港元）。
吃過的網民紛紛在 IG 上表示「魚子閃令令好靚！」、「口裏充滿着魚子好幸福！」等等，好評如潮。
同樣是 780 日圓的，還有吞拿魚刺身飯（天然鮪すき身丼），付送「黃味醬油」。
「黃味醬油」即是把生雞蛋與醬油混合，醬油有蠔味醬油（左）和自家製醬油（右）兩個選擇。
混進刺身飯將味道提升到另一個層次。
魚子拼北海道毛蟹飯（いくら & 北海道毛蟹丼），1,880 日圓（約 132 港元）。
魚子拼鮮海膽飯（いくら & 生うに丼），1,980 日圓（約 139 港元）。
店內木質的裝潢簡潔樸實，有種令人放鬆的氣氛。「波の」憑着物美價廉的高質素食品，贏盡口碑和人氣，日本的電視節目《SmaSTATION!!》也來訪問過。
INFO
波の
地址：東京都目黒区自由が丘 1-3-22
營業時間：午市 11:30am - 2:30pm，晚市星期一至六 5:30 - 10:30pm，星期日及假期 5:30 - 8:30pm
交通：東急東橫線、東急大井線自由丘站步行 5 分鐘
地圖：按此
↓《社群》「個人地圖」功能登場↓
去到邊 Share到邊～立即記錄您的生活足跡！![]()
去到邊 Share到邊～立即記錄您的生活足跡！
↓【免費送】Camp Kingdom一站式2日1夜車頂營體驗🚙！↓
↓經典日產四驅車／夏天配有獨立冷氣／設置好車頂營連車邊天幕↓![]()
↓經典日產四驅車／夏天配有獨立冷氣／設置好車頂營連車邊天幕↓
utravel
發表回應