福岡 是 日本 九州 最大嘅都市,歷史遺迹眾多,加上三面臨海、漁業發達、水產資源豐盛,所以好多人近年來都鍾意去 福岡 旅行食好西。今次精挑細選 10 家極具 福岡 特色的人氣食店,無論快閃遊定深度遊都好合適編入去行程,開開心心食餐好。
01/ 博多一双 博多駅東本店
博多拉麵非常出名,除咗為人熟悉嘅一蘭、一風堂以外,仲有唔少真正受當地人喜愛嘅佳選。博多站附近嘅博多一双就係當地人首推之選,可謂代表博多豬骨拉麵嘅名門,企喺門口已經可以聞到濃烈豬骨香味。招牌濃厚豬骨拉麵湯底色澤純白如牛奶,味道甘香濃厚,明顯有下過一番功夫去熬煮,難怪連當地人都大讚係「令人難忘嘅美味」!
info
博多一双 博多駅東本店
地址:日本 福岡県福岡市博多区博多駅東3-1-6
電話:+81 (0)92 472 7739
營業時間:11am - 12mn (晚上 10 點前仍可進店)
交通:JR博多南線博多站下車,徒步約 7 分鐘
02/ 博多らーめん Shin-Shin 天神本店
拉麵湯底特別採用佐賀縣有田町的銘柄鶏─「ありたどり」去熬出濃湯,再混入豬骨湯頭煮成,既有豬骨湯嘅醇厚,亦帶有雞湯嘅鮮甜,味道好有層次。另外手工一口餃子亦值得一試,餃子皮有彈性又唔會過油,浸入湯食更滋味。
info
博多らーめん Shin-Shin 天神本店
地址:日本 福岡県福岡市中央区天神 3-2-19
電話:+81 (0)92 732 4006
營業時間:11am - 3am
交通:福岡市營地下鐵機場線天神站4號出口,徒步約 4 分鐘
03/ もつ鍋おおやま(MOTSUNABEOYAMA)博多站デイトス店
博多人好鍾意食牛腸鍋,鍾愛程度係日日食都唔厭 もつ鍋 おおやま 唔單止受遊客歡迎,當地人都經常會去幫襯,招牌牛腸鍋有三款湯底:味增、醬油同埋雞湯,主要材料用上九州黑毛和牛嘅小腸,肥美香濃,來到博多唔好錯過這樣人氣名物。
info
もつ鍋おおやま(MOTSUNABEOYAMA)博多站デイトス店
地址:日本 福岡県福岡市博多区博多駅中央街1-1 博多デイトス 1F ほろよい通り
電話:+81 (0)92 475 8266
營業時間:11am - 12mn(L.O 11:30pm)
交通:JR博多站,徒步 2 分鐘
網址: motu-ooyama.com
04/ 博多もつ鍋やまや
福岡盛產明太子,亦係博多第一名產,巿內四周餐廳同埋商店中都會見到明太子嘅影子。明太子算係 日本 貴價食材,博多もつ鍋やまや除咗提供福岡特色鍋物牛腸鍋,午餐時段(11am – 2pm)居然可以任食明太子!放題份量大大碗,相當豪氣,配搭香軟白飯真係一流呀!
info
博多もつ鍋やまや
地址:日本 福岡県福岡市博多区博多駅中央街 1-1
電話:092-412-0888
營業時間:午巿11:00 - 14:00;晚巿17:00 - 23:00 (L.O. 22:30)
交通:JR博多站筑紫口(新幹線口徒步2分鐘,高架天橋下
05/ 博多い津み
提到高級魚種河豚,一般都認為山口縣下關最有名,其實福岡天然河豚漁穫量佔全國第二,既新鮮亦比其他地方平。博多い津み 是接近 100 年歷史的高級河豚料亭,店裡所進都係來自於山口縣下關精選河豚,刺身用上「二枚引き」切法,即「切雙飛」,因此能夠沾上更多醬汁,將河豚鮮味及柑橘醋美味發揮到極限。上碟時排成牡丹花狀,賣相非常精緻。
info
博多い津み
地址:日本 福岡県福岡市博多区住吉2-20-14 スパイラルステップス
電話:+81 (0)92 291 0231
營業時間:5pm - 10pm(逢星期日休息)
交通:地下鐵渡邊通站,徒步約 15 分鐘
06/ 豊漁
河豚本身味道非常清淡,精華盡在醬汁。福岡另一間地道人氣河豚料理店「豊漁」,醬汁有配檸檬同埋桔醬,用刺身將蔥段捲起後沾醬汁食,非常之清新爽口。店內座位唔多,好容易客滿,如果想食河豚套餐就一定要預約喇!
info
豊漁
地址:日本 福岡県福岡市博多区博多駅前2丁目6-15 オクターブ博多B1
電話:+81 (0)92 473 2507
營業時間:5pm - 10:30pm
交通:JR博多站,徒步 5 分鐘
07/ 博多祇園鉄なべ
博多祇園鉄なべ係當地人都愛嘅人氣名店,招牌鐵鍋煎餃體積比較小,剛好一啖一隻,所以有「福岡一口餃子」之稱。外表簡單平實嘅煎餃子,外表煎得香脆,肉汁豐富,味道清爽,可以一隻接一隻吃不停。
info
博多祇園鉄なべ
地址:日本 福岡県福岡市博多区祇園町2-20
電話:+81 (0)92 291 0890
營業時間:5pm - 11pm
交通:地下鉄鐵祇園站,徒步 3 分鐘 / JR博多站,徒步 9 分鐘
08/吉塚うなぎ屋 本店 (よしづかうなぎや)
吉塚うなぎ屋本店以鰻魚飯聞名,昭和年代已經存在,又係一間百年老店,因此店內裝潢仍然保留端裝典雅懷舊風味。鰻魚外皮燒得少少焦脆,肉質肥美香軟,多年來屹立不倒就知真材實料啦!
info
吉塚うなぎ屋 本店 (よしづかうなぎや)
地址:日本 福岡県福岡市博多区中洲 2-8-27
電話:+81 (0)92 271 0700
營業時間:11am - 9pm(L.O. 10:30pm);休息日:每週三、12月31日、1月1日
交通:地下鐵空港線中洲川端站4號出口右轉,櫛田神社方向,沿住河走大約 5 分鐘
09/ カフェ・ミエル(CAFÉ miel)
CAFÉ miel 是隱藏於博多車站地下街咖啡名店,太子爺咖啡師井崎英典係世界咖啡大師賽(WBC, World Barista Championship)第一位獲得冠軍嘅亞洲人。店內裝潢呈現出昭和時代咖啡廳風格,有時間去歎杯啡,遠離煩囂感受一下 日本 古早風味咖啡廳文化。
info
カフェ・ミエル(CAFÉ miel)
地址:日本 福岡県福岡市博多区博多駅前2-2-1 博多センタービル B2F
電話:+81 (0)92 441 2757
營業時間:10am - 7pm
交通:JR博多站,徒步 5 分鐘 /地下鐵博多站,徒步 2 分鐘
10/ Quil Fait Bonキル フェ ボン 福岡店
Quil Fait Bon 是一間無論 日本 人或遊客都好喜歡的甜品店,名物係各式各樣水果批。季節限定水果批係必食之選,而 福岡 限定版「檸檬白朱古力 mousse pie」最啱嗜酸的朋友。批皮薄脆唔油膩,吉士饀香軟滑溜,個個賣相精美,總有一款合心意,其實食一款根本完全唔夠喉呀!
info
地址:日本 福岡県福岡市中央区天神 2-4-11 パシフィーク天神 1F
電話:+81 (0)92 738 3370
營業時間:11am - 8pm
交通:西鐵福岡天神站南口,徒步 4 分鐘
去到邊 Share到邊~立即記錄您的生活足跡!

↓經典日產四驅車/夏天配有獨立冷氣/設置好車頂營連車邊天幕↓


發表回應