Osaka 大阪嚮導 分享:
喺香港要搵餐廳你一定識OPENRICE,日本當然都有同類型網站,除咗可以幫你搵餐廳,仲可以睇定MENU、網上預約、列印優惠券等等,唔識日文都唔會難用㗎!介紹之前,小編希望大家做個負責任嘅旅客,如果行程有變需要更改/取消預約都可以通過網站進行,或者請酒店代為致電取消,千萬唔好預約咗唔去!
#1 食べログ TABELOG(tabelog.com)
雖然食べログ有中文、英文版,但外語版無網上預約/優惠券提供,加上翻譯都應該係 Googel Translate 的出品,所以小編都係建議大家用日文版。首先,喺首頁已經可以按地區 / 車站、店名搜尋餐廳,輸入後按「検索」即可。基上日文同中文互通嘅漢字都認到,地名同站外可以喺酒店/鐵路網站複製貼上。(常用:なんば[難波]、心斎橋……)
之後,就會見到網站列出符合你搜索條件嘅餐廳。除咗睇圖,點知間餐廳好唔好呢?可以睇星星(平均評分)、評價次數。星星/評分當然越多越好,一般有 4 分以上已經很不錯,分數隔離個個就係評價次數(以下面為例就係有 2 個評價)。頂頂個度你可以按「皇冠ランキング」(評分)或者「ロコミ数」(評價數量)排序。
餐廳簡介要留意兩個框框「クーポン」(優惠券)及「ネットで即予約」(網上即時預約),有呢兩個框框嘅餐廳就可以通過網站進行預約同埋有優惠券提供。
揀好餐廳之後可以按右上角「予約する」進行預約,亦可以按「メニュー・コース」了解餐牌同套餐內容(如果餐廳有供應放題都可以喺呢部份睇到),又或者按「クーポン」睇下有咩優惠券可以用。
大部分優惠券都指明要列印先用得,所以一定記住要印出嚟!(按「クーポン・地図印刷」)
最後,預約方面小編覺得係三個網站中最方便嘅,因為唔使登記做會員!按「予約する」之後,選擇返日期、時間、人數,就會去到一版叫你留聯絡資料:
.お名前(名字):要填漢字同平假名,漢字大家無問題,平假名可以用 Hi!Penpal! 網站幫忙,輸入漢字後選擇平假名/片假名即可。
.携帯電話番号(電話號碼):可以輸入酒店的電話號碼
.メールアドレス(EMAIL):唔好入錯,因為會SEND確認電郵俾你
.コース(套餐):一般訂位預約只需要揀返預設的【お席だけ予約】(只預約座位)即可,如果你需要預約指定套餐、放題請點選「他のクースに変更」選擇返適用嘅套餐、放題。
.お席(座位):可以揀返吸煙/非吸煙座位、洋式/和式座位
.レストランへのご要望(備註):如果有小朋友可以備註返年紀(X 歳の子供と一緒に),小編會備註返自己係旅客無日本電話,請店方以電郵聯絡 (海外からの観光客です、電子メールで私と連絡をとる)
完成之後會收到確認電郵,入面會有預約編號(予約番号),同埋更改 / 取消預約連結(ご予約内容の確認 / 変更 / キャンセルは…),你亦可以隨時喺網頁頂頂【予約確認】憑預約編號重發郵件。
預約編號(予約番号)<<轉色 & bold
更改 / 取消預約連結(ご予約内容の確認 / 変更 / キャンセルは…)<<轉色 & bold
【予約確認】<<轉色 & bold
#2 HotPepper (hotpepper.jp)
喺搵餐廳同埋篩選餐廳方面 HOT PEPPER 無列出餐廳評分,但設計上唔識日文嘅朋友會比較易使用。不過,要登記咗做會員先用到網上預約。首先,首頁可以按地區、餐廳種搜尋,輸入後按「検索」即可。亦可以選擇地區瀏覽。
之後,就會見到網站列出符合你搜索條件嘅餐廳。不過就 HOTPEPPER 喺睇餐廳評分方面就無咁方便,因為要按入去先會見到有幾多評價,亦無打星星/分數。如果你見到餐廳個有一個黃色格格寫住「このお店のクーポン」即係呢間餐廳有優惠券可以用,而見到一個「ネット予約の空席状況」月曆咁就代表餐廳接受網上預約。
入到去可以按右上角藍色格仔「空席確認・予約する」或者右邊月曆進行預約,想睇有咩優惠券可以按右上角橙黃色格仔「クーポン&地図」,想睇餐牌就按「メニュー」。
大部分優惠券都指明要列印先用得,所以一定記住要印出嚟!(按「クーポンを印刷する」)唔知大家有冇留意到,其實食べログ同HOTPEPPER係顯示緊同一間店,但係有嘅優惠券唔一樣㗎,所以睇多兩個網站無蝕底嘅!
按預約之後需要選擇返日期、時間、人數,之後會俾你揀返要預約嘅套餐/放題,如果無指定揀返第一個「コースを指定せずに席のみ予約」即可。
跟住揀返座位(吸煙 / 非吸煙;和式 / 洋式)
之後要先登記帳戶:
1. 按右邊「会員登録して予約する」
2. 輸入電郵
3. 收到一封【会員登録認証】電郵
4. 按第一條連結
填妥會員資料:姓名部分要填漢字同片假名,漢字大家無問題,片假名同上可以用 Hi!Penpal! 網站幫忙,輸入漢字後選擇平假名/片假名即可。
完成後會去一版睇返你嘅預約資料,如果需要更改日期時間、套餐等等都可以喺呢部分進行。完成之後會收到確認電郵,入面會有預約編號(予約番号),同埋更改 / 取消預約連結(ご予約内容の確認・キャンセル手続き…),你亦可以隨時喺登入帳戶喺【予約履歴】搵返有關預約紀錄按【予約詳細】入面嘅【予約內容変更】更改 或【予約キャンセル】取消預約。
#3 ぐるなび GURUNAVI(www.gnavi.co.jp)
最後 GURUNAVI 都係需要登記會員先可以進行網上預約(按右上「新規会員登録」),不過程都好簡單,因為可以用 FACEBOOK 連結。連結咗之後只需要入密碼(其他資料會跟返你 FACEBOOK)。首先,首頁可以按地區、餐廳種類搜尋,輸入後按「検索」即可。亦可以選擇地區瀏覽。
之後,就會見到網站列出符合你搜索條件嘅餐廳。不過就 GURUNAVI一樣無打星星/分數。如果你見到餐廳「ネット即予約」咁就代表餐廳接受網上預約,而喺呢個版面係見唔到有冇優惠券嘅。
入到去可以按右上角橙色格仔「空席確認・予約する」進行預約,想睇有咩優惠券可以「クーポン」,想睇餐牌就按「メニュー」。
值得留意嘅係 GURUNAVI 有會員限定嘅優惠券,好似呢間餐廳咁非會員同食べログ / HOTPEPPER 都係 10% OFF,但係 GURUNAVI 會員就有 15%OFF,所以都推介大家登記做會員!而要印優惠券都好簡單,按「このページを印刷する」就得啦!
按「予約する」之後先選擇日期、時間、人數,之後會出返可以預約的套餐/放題,如無指定你亦可以揀最後的「席のみ予約」。
之後會俾你揀返座位(吸煙 / 非吸煙;和式 / 洋式 )
之後就會去到一版叫你留聯絡資料:
.予約者名(名字):要填漢字同平假名,漢字大家無問題,同上平假名可以用 Hi!Penpal! 網站(按此連結)幫忙。
.メールアドレス(EMAIL):唔好入錯,因為會 SEND 確認電郵俾你
.電話番号(電話號碼):可以輸入酒店的電話號碼
.要望・相談(備註):如果有小朋友可以備註返年紀( X 歳の子供と一緒に),小編會備註返自己係旅客無日本電話,請店方以電郵聯絡(海外からの観光客です、電子メールで私と連絡をとる)
不過要留意,如果你見到:この予約は「リクエスト予約」です。後日、お店の人から入力フォームに記載した内容について連絡がございます。即係話個預約係未確認,店方會再致電 / 電郵確認。同樣都會收到電郵通知,可以通過電郵中「リクエスト内容の確認画面」連結或登入帳戶取消預約。
圖、文:Osaka 大阪嚮導、整理:ton ton
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道美食/住宿指南等!↓