雖然距離 2020 年東京奧運尚有 3 年,但一向鬧酒店荒的東京已積極開設新酒店,而且愈來愈多具個性的住宿選擇,像這間剛於 7 月 28 日正式開幕的東京 ONE@TOKYO,由建築大師隈研吾操刀,型格程度毋庸置疑,且地點位於墨田區,距離地鐵站只約 5 分鐘步程,部分客房甚至打開窗簾便可以望到晴空塔,實在極吸引。
講到建築大師隈研吾的作品,如福岡太宰府天滿宮表參道 Starbucks、淺草文化觀光中心及微熱山丘表參道店、東京 KITTE 等等,都是遊客必至朝聖熱點。其作品大多使用木材、竹、石頭等等天然素材建造,一枝枝交錯木條為其標誌式設計。2020 東京奧運新國立競技場亦即將由大師操刀,未到東奧,可以先入住大師最新設計的酒店 ONE@Tokyo,近距離親近大師作品。
ONE@Tokyo 選址下町老區押上晴空塔附近,以大型 art installation 為 concept,擔起連結旅客與東京老區面貌之任務。酒店整體走簡約風,融合工業與自然風格,客房共 5 款,兩間特色套房、有高樓底、可以看着 Skytree 入眠的 Loft 客房,及最經濟實惠的普通 studio 客房,甚至還有殘障人士專用的無障礙客房,全部都以木為基調,甚有質感。不止設計方面落工夫,每間客房都備有免費電話「Handy」供你外出使用,以及「Chromecast」,連接流動裝置睇片唔怕悶,功能性與藝術性兼備,再加上每個角落都夠晒 photogenic,啱晒藝文青們入住。
酒店請來林海峰(好多位林海峰)拍攝全新廣告
去片:
ONE@TOKYO
地址:東京都墨田区押上 1-19-3
電話:+81 (0)3 5630 1193
房價:目前官網推出開業優惠至 2018 年 3 月,預定 Studio 客房(2-5 樓)二人入住約 9,438 日圓起(約 652 港元)
交通:乘東京地下鐵至押上站,徒步約 3 分鐘即達
網址:onetokyo.com
地圖:按此
文/U Magazine、相/ONE@TOKYO
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道隱世美食/必買手信等!↓