實試報告！旅遊助理在手地道遊法國

2017.07.27

遊法國，最怕語言不通，雖說英語可溝通，但想玩得地道，還是靠當地人帶路最實際。

這個由法國人 Nina 和 Ben 兩姐弟開立的「Insidr Paris」手機租用服務，目的是讓旅客可以更地道、更輕鬆遊法國巴黎。他們先係將旅客所需的Apps 都裝入呢部 LG android 手機裡，如購門票的 Tickets、餐廳訂枱的 folks、call車的 Uber 等。若於法國境內又可免費打本地電話，兼4G 無限上網服務；如打長途電話，則可用skype，當你以為佢只係一部普通手機時，當中其實有很多貼心又人性化的功能。

識用其實好好用

sell 的是人性化服務，當然要試下部手機掂唔掂啦，我哋借用咗部手機5日，以下是實試報告：

1/ 當 Wi-Fi 蛋咁用

租用手機服務係包 4G 無限上網服務的，只要按分享熱點，便可連接閣下手機或平板電腦，我全程都係靠佢分享熱點嚟上網，信號收得不錯；反觀攝影師用香港租用的 Wi-Fi 蛋連線就有經常收得不太好的情況。

2/ 團隊回覆信息

只要你一開部手機，你會發現自己已加入了面頁的「Community」和「Team」兩個 Whatsapps 群組，前者是同時在巴黎旅遊中的旅客群組，讓大家互相分享巴黎資訊，就算獨遊都唔會覺得孤獨，感覺好 warm；後者是手機租用服務公司的團隊群組，只要你對巴黎有乜疑問，佢哋都會回覆，係真人回覆，並非機械式的標準答案。

我哋測試過幾次，如在羅浮宮附近有乜好嘢食推介？老闆之一 Nina 便建議了城中熱話的 Daroco 意大利餐廳，推介不錯！又或現在有哪些 museum 展覽等，團隊都會一一解答。

3/ 多條主題路線

面頁上的「Maps」app，裡面內藏多條主題路線，如與情侶同遊可揀選 Romantic、家庭遊的 Family、又或有預算的旅程 Budget map，所有好玩好食好買好睇都按主題分類，最啱懶計劃行程的旅客。

4/ 最新交通資訊

旅行時未必咁清楚當地交通情況，手機上第二頁的「Citymapper」就讓你掌握即時交通，如地鐵 delay、點到點交通方法建議都有；相對用 google map，我覺得差不多，可能已習慣用 google map，如查詢交通方法時都有顯示乘搭巴士方法，夠實用。

用咗呢部手機 5 日，發現有優點亦有缺點，缺點係你要帶兩部手機出街，如你當租來的手機用做 Wi-Fi 蛋，咁都 OK；只可以英語或法語跟團隊溝通，雖然簡單英語都可以的；唔想加服務費，租機還機只可在兩個購物中心交收，感覺有啲唔方便。

Insidr Paris

收費：19 歐元/ 日（租用愈多日數，價格相對較低，如租用 7日，合共 56 歐元）

租機方法：網上預訂

領取手機方法：Carrousel du Louvre 購物中心或 Forum des Halles購物中心，於這兩個中心領取，免服務費；若於戴高樂機場（CDG）領取，需收 9 歐元服務費；若於巴黎，甚至任何一個地方領取，需收 15 歐元服務費

查詢：+33 (0)6 2758 3845

網址：insidr.paris