提起台中，相信好多人第一時間會想起彩虹眷村、高美濕地呢啲有特色又靚的旅遊必去景點，但其實台中嘅靚景又點止得咁少？就好似森林咁，單喺台中就已經有 3 個非去不可嘅靚森林，去完包你乜煩惱都一掃而空。
#01 忘憂之最：忘憂森林
要數台灣最靚森林，一定唔可以唔提呢個位於南投縣鹿谷鄉、因 921 地震形成的忘憂森林。有「台灣九寨溝」之稱的忘憂，本來是一座處於海拔 2,000 呎的柳杉林，但因地震後凹陷形成坑洞，再加上大雨，令原來的柳杉亦因長期浸在水中而枯死，過百棵柳杉木屹立池水中，令整個環境、氣氛極為淒美及夢幻。
去忘憂森林必要睇的，就一定係呢個畫面，睇見水中倒影出整片森林的枯木及天空，靚！到！絕！
去忘憂森林最好的時間係中午 12 點前，因為可以睇到忘憂本來的景色外，中午過後亦開始起霧，在濃厚的霧氣下，令忘憂更添一份神秘感。
忘憂森林
地點：台灣 南投縣竹山鎮大鞍里溪山路 3-25 號
交通：高鐵台中站搭乘台灣好行公車至溪頭遊樂區，然後轉乘往杉林溪的公車，於忘憂森林站下車後，在仁淵茶行可選擇步行或乘搭接駁車上山。
地圖 按此
#02 龍貓的世界：后里無患子
若然你有睇過龍貓電影的話，冇可能唔記得龍貓巴士出發前那條樹叢隧道，嗱，若然你都對龍貓或隧道情有獨中的話，就一定要去台中后里區嘅呢個無患子樹林，因為呢個樹林同龍貓隧道有 8 成似，入到去就好似進入咗通往龍貓世界的隧道咁，勁童話 feel！
樹林內青翠的樹木一字排開，同動畫相比的話，真係冇 9 成都有 8 成似呀！（圖：tw_cch@ig、網上圖片）
喺中間進入森林的話，個感覺基本上同走入龍貓世界冇分別，好期待行行吓會見到貓巴士！（圖：rz_0222@ig、aaaabbbby@ig）
龍貓隧道會隨着季節轉換顏色，從春夏的翠綠同秋冬的金黃都咁靚，所以一年四季都啱去。（圖：jocelyn810277@ig）
后里無患子樹林
地址：台灣 台中市后里區四月路五哩巷 82 號
交通：后里區公所太平里辦公處步行五分鐘
地圖 按此
#03 唯美逆光：九天黑森林
本來連名都冇、位於台中沙鹿區的一個森林，因為地點喺大雅九天玄女廟附近，所以就取名為「九天黑森林」。至於點解森林會係黑色？因為呢度生長嘅樹木樹皮顏色較一般的黑，故雖然叫森林，但實際上望落的感覺既神秘亦詭異，勁好 feel。
黑森林內的樹木非常高大，加上樹木顏色偏黑，入到嚟就好似去咗 Angelina Jolie 電影《黑魔后》的森林場景中，真心覺得幾有型！（圖：anica_ciao@ig、ssulinghuang@ig）
嚟到一個咁型嘅地方，影相當然一樣要有返咁上下型格先得。識影就當然要影逆光，你睇，影到人之餘後面又爆光兼且清楚見到森林，係咪有型到不得了先！（圖：d.bann@ig、zebulonhuang@ig）
九天黑森林
地址：台灣 台中市大雅區忠義村清泉路99號
交通：臺中榮總搭乘台中客運 69 號至櫻花大郡下車，步行約３分鐘。
地圖 按此
圖片來源：kenchew90@ig、maocool@ig、eden86101314@ig
utravel
發表回應