自駕台東必遊！台灣最大橙色金針花海

正在閱讀
自駕台東必遊！台灣最大橙色金針花海

用 App 開啟

文: U Travel 小編兔奴蛙

2017.07.19

恕我愚昧，金針花就食得多，但從來都冇諗過成為食物前嘅佢係乜樣，更莫講話要賞……！唔係突然發現台東原來有金針花田的話，都真係唔知原來連金針花都有得賞，而且新鮮嘅金針花仲要係橙色大大朵，靚呀！若然你咁啱 7 月底自駕去開台東，又想試吓賞金針花的話，就千祈唔好錯過位於台東市以南、金峰鄉太麻里嘅金針花海喇！

屬百合科植物的「金針」，其實台灣有好多地方都有金針花的出現，但當中就以最高海拔（1,450 公尺）、溫度較低而濕度較大的太麻里金針山面積最大，所以亦被喻為「金針花故鄉」。（圖：vvvvv0230@ig

雖然金針花的顏色比起其他花冇咁鮮艷，但盛開時整個花田都係橙色都頗壯觀，而每年的 8 至 9 月底都係台東的金針花季，而今年太麻里的金針花季亦會從本月 24 日開始，會由最高海拔先開花，慢慢開到較低海拔

因為盛開時間極短，大大朵橙色的金針又名「一日美人」，而平時大家食到金針花就係喺花苞盛開前夕採收後加工而成。嗱，唔好以為所有金針花都食得，事關觀賞用嘅金針花大部分都有毒性，所以千祈唔好亂摘！（圖：台東縣

錯過金針花花季亦都冇問題，因為金針山一年四季都有不同品種的野花盛放，就睇你撞唔撞到！台東旅遊官網就如此記載：

1-2 月	櫻花
3-4 月	野百合
5-7 月	繡球花
8-10 月	金針花
11-12月	杏花

另外，想去賞花的人記得要遵守太麻里鄉公宣布的交通管制，詳情：taimali.gov.tw

太麻里金針山

地址：台東縣太麻里鄉大王村

電話：+886 (0)89 781 301

交通：臺鐵：於太麻里車站下車，建議於太麻里市區租賃交通工具後於 7-11 旁「金針山牌樓」轉入金萱路，依指標行進即可。公車：搭乘鼎東客運山線 8132、8135、8135A、8136、8137、8138、8150 或 8151 次公車，於大王國中站下車，建議於太麻里市區租賃交通工具後於 7-11 旁金針山牌樓轉入金萱路，依指標行進即可。自駕：沿台 9 線進入太麻里市區後轉入金萱路，直行約 500 公尺，左轉續行至盡頭後右轉，約 150 公尺後左轉進入佳崙產業道路，至日昇台約 2.5 公里，至金山埡口約 15 公里，至忘憂谷約 17 公里

地圖按此

另外，「太麻里金針花季」期間，為方便遊客前往賞花，從 7 月 24 日至 9 月 8 日期間的 8am - 4pm，位於中正堂會提供接駁專車（需付車費）來往雙乳峰，可到此網上預約。

詳情：太麻里鄉公所

圖片來源：peijung_jiang@ig