行鹽田睇燈塔！ 台南賞勁靚日落

提起台南，大家嘅印象可能只係老街、水晶教堂同幾米公園等呢幾個出名景點；但除咗建築外米其實台南嘅自然景觀都好靚，就好似台南七股台江，除咗有無論日頭或黃昏睇都咁靚嘅鹽田外，周邊仲有個燈塔秘境，去開台南真係要去埋先完滿！

【北門井仔腳鹽田】

於 2009 年 8 月被列為歷史建築，有超過 180 年歷史、面積大約有 80 公頃的井仔腳鹽田，係北門第一座鹽田，亦係台灣最古老的現址鹽田。 2000 年因曬鹽成本過高而結束長達 300 年的曬鹽業，後荒廢，後來管理局將鹽田活化，變成觀光景點。除咗欣賞鹽田外，喺特定區仲可以赤腳踩落田，感受一下腳喺鹽中的感覺

北門井仔腳鹽田

地址： 台灣台南市北門區永華里64號

營業時間：9am - 6pm

電話： +886 6 786 1629

前往方法：台南火車站前搭乘興南客運藍幹線至「佳里站」，再轉乘藍 2 支線到井仔腳。

地圖 按此 

【七股潟湖】

在七股溪與將軍溪之間、距離鹽田約半小時車程，面績約 1,600 公頃的七股潟湖，被當地人稱為「內海仔」，係台灣第一大濕地，亦係蚵仔（牡蠣）養殖場，呢度的蚵仔以倒棚式養殖蚵仔，若想影出 Z 形的蚵架的話，就要行去有三層樓高的瞭望「觀海樓」方向取景。

七股潟湖

地址：台南市七股區三股村

前往方法：可由台南火車站附近或佳里站搭乘興南客運往佳里，再轉興南客運往七股台區，在「鹽山站」落車。

地圖 按此

【秘境追加：國聖燈塔】

又名「七股燈塔」，本來設喺網仔寮汕，不過之後因為海岸地形改變同被颱風吹襲倒塌，所以最後改喺頂頭額汕重建。所在位置人稱「台灣極西點」，而且出名難搵，自駕遊會比較方便！燈塔高 32.7 公尺，以黑白間色為主，好有特色！

國聖燈塔

地址：台南市七股區北堤堤坊

地圖 按此

圖片來源：台南觀光旅遊局、chuyo622 @ ig、jackimage @ ig、twwalk @ ig、wayne_u_change @ ig、neighborhood346 @ ig、toybird @ ig、fibi.eye @ ig、door_opening_perry @ ig、bboyhiroki @ ig、0628___0806 @ ig