2017.07.04
搭飛機，就要同好多唔同種類、性格的人相處，短則個幾鐘，長則超過 15 個鐘，要相處咁耐，若然同機旅客行為奇怪或詭異的話，分分鐘真係搞着全機人，唔知你哋又有冇遇過？
掉錢入引擎祈福
早前喺上海浦東機場，就有一位坐頭等艙、超過 80 歲的婆婆，上機時突然攞出一堆硬幣掉入飛機引擎，佢話咁做係因為要「祈禱平安」，最後因為要搵返 9 個硬幣而搞到航班延誤。
亂放救生梯
正所謂好奇害死貓，上月就有名女乘客，喺北京等待飛去廈門期間，因為八卦，多手拉開緊急手柄，搞到誤放救生梯，結果搞到航班被取消之餘，涉事的女乘客更要承擔相應的法律責任......
帶豬登機
曾經試過有位女仔，以運輸條例上的「情緒支援（emotional support）」為由，帶埋自己心愛的豬仔搭飛機，不過豬仔喺機上尖叫掙扎，加上大便搞到成架機好臭，引致其他乘客不滿，最後畀機長要求落機。
機上性行為
早前有對情侶搭飛機期間，唔知乜事突然喺機上疑似發生性行為，其實最初其他乘客以為佢哋只係玩吓，不過男方之後問其他乘客有冇安全套，先知原來係真嘅......都係嗰句，你唔介意，但其實有人介意，不過最奇怪係機組人員咁都冇制止。
裸睡
裸睡唔係乜嘢奇怪事，好多人都會咁做，但問題在於飛機係公眾場合唔係你屋企，無論係男或女、身材幾火辣都好，其他乘客都未必會想睇囉。
圖：網上圖片
↓《社群》「個人地圖」功能登場↓
去到邊 Share到邊～立即記錄您的生活足跡！![]()
去到邊 Share到邊～立即記錄您的生活足跡！
↓【限時搶連環賞】Cetaphil舒特膚透亮抗敏系列！↓↓
↓ 照顧哂您成個護膚程序！打造亮白光感肌！ ↓![]()
↓ 照顧哂您成個護膚程序！打造亮白光感肌！ ↓
utravel
發表回應