全台灣首個《美少女戰士25週年紀念快閃店》,7月1號於華山1914文化創意產業園區開幕。場內勁多美少女周邊產品,其中有唔少係台灣限定 items ,作為美少女粉絲,確實會買到手軟,而且展期只有一個月,真係要趁快去。
雖然 pop up store 唔算大,開幕當日仲冷氣都壞埋,但依然吸引到好多少女、中女(其實毒 L 都唔少)潮聖。店內約有 250 款美少女周邊產品,其中 150 款為台灣限定,如攬枕、掛鐘、燙金咖啡杯、悠遊卡等,其中黑貓露娜攬枕更限量 150 個!會唔會一個 Weekend 就賣曬?除了台灣限定,在日本大受歡迎的產品都唔少得,營幕保護貼、化妝袋、立體變身粉盒、螺旋愛心權杖胭脂掃等,連日本長期賣斷市的聖杯胭脂都搵到!pop up 店原本打算以幻彩玻璃屋登場,可惜因建築問題,最後只以backdrop 裝飾。但無損大家不停舉機的雅興。月野兔、禮服蒙面俠、木野真琴、水野亞美等都係度,打卡冇難度。
美少女戰士25週年紀念快閃店
地址:台北市中正區八德路一段1號華山1914文化創意產業園區
日期:即日至7月30日
時間:10:30am-7:30pm
交通:捷運忠孝新生站1號出口
地圖:google map
文:company man、相:Lok、模特兒:Florence yu @ starz people
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓