結婚咁大件事,當然所有嘢都想最完美,所以好多人選擇離開香港去日本影婚紗相,尤其係睇完林宥嘉輯婚紗相,想去日本影番輯,得!但其實日本除咗林宥嘉(Yoga)去過的兩個地方外,仲有好多地方有靚景影婚紗相,今次一次過話晒畀大家知,日本影婚紗相靚景。
#1 飛鳥山公園
位於東京都北區的區立公園,係出名的賞櫻地點,亦係今林宥嘉婚紗相取景地點,除咗兒童區的城堡、大象滑梯外,園內更有真‧蒸汽火車同埋東京都電電車,以及 3 座博物館,分別係「飛鳥山博物館」、「紙張博物館」以及「澀澤博物館」,就算唔影婚紗相都值得去行吓。
飛鳥山公園
地址:東京都北區王子1-1-3
前往方法:坐都電荒川線在「飛鳥山站」落車後步行約 1 分鐘
#2 北輕井澤 Sweet Grass
林宥嘉婚禮的舉行地點,位於輕井澤的露營度假村,佔地三萬坪的度假村除咗有 Yoga 舉行婚禮的樹屋外,更有露營場地、吊床、木屋及別墅外,而且環境仲要被草原、森林環繞,真係好適合鍾意大自然嘅大家去影相。
北輕井澤 Sweet Grass
地址:日本長野原町北輕井沢 1990-579
前往方法:從渋谷駅坐「軽井沢・草津線」巴士,到「北輕井澤」落車後再轉觀光巴士
同場加映:日本攝影師 Takahide Sato 推薦 3 個靚景!
#3 富良野薰衣草原
鍾意薰衣草嘅人,基本上冇人唔知去日本睇薰衣草,而去影婚紗相的話,Sato San 第一就推薦北海道富良野美瑛の丘,最推薦的月份就係每年的 7 月,因為係薰衣草季。
美瑛の丘
地址:北海道上川郡美瑛町
前往方法:乘坐 JR 到美瑛駅,然後步行 15 分鐘即達
#4 橫濱大棧橋
好多日劇都會嚟取境的地方,尤其係夜晚,相信主要因為可以睇到橫濱港口的夜景之外,仲有個特大摩天輪做佈景,而 Sato San 則表示「這裏有香港的感覺」。
橫濱港口大棧橋
地址:橫濱市中區海岸通 1-1-4
前往方法:在「日本大通站」步行 5 分鐘、JR 市營地鐵「關內站」步行 15 分鐘或者搭橫濱觀光巴士可到達
#5 京都
身為關西人的 Sato San 表示,若想照片有日本的感覺,去京都就可以,他是若是櫻花季就去祇園、秋季就去嵐山影紅葉,以外的時間就去東山區,所以京都算係一年四季都可影到靚相的地方。
嵐山竹林
前往方法:在 JR 京都駅坐 JR 嵯峨野線,在嵯峨嵐山駅落車後步行 15 分鐘
圖:網上圖片、RECUERDO(レクエルド)@ fb、sweetgrass.jp @ fb、任家萱 Selina @ fb、林宥嘉 Yoga Lin @ fb、_przkrose_ @ ig、takephotos316 @ ig、changleo07 @ ig
↓透過發佈帖文賺取收入!立即參加!↓
↓立即睇打卡熱點/地道隱世美食/必買手信等!↓