去完台灣巡遊的輕鬆小熊(Rilakkuma)今年去了澳門舉行了《輕鬆小熊甜蜜時光特展》兼過暑假,仲同大家開心 share 自己的成長回憶,又有無數得意造型的影相位及遊戲玩,更可順道買齊輕鬆小熊會場限定紀念品,今個暑假一定要去澳門探訪輕鬆小熊。
去完台北、高雄及上海巡迴展覽之後,今次輕鬆小熊去到澳門放暑假,除咗有之前幾個站都有的經典角色設計圖、大型輕鬆小熊公仔及粉絲收藏品大公開外,更新增了輕鬆小熊遊戲區,有攤位遊戲及夾公仔,可以輕輕鬆鬆拎輕鬆小熊公仔返屋企。有得玩有得睇,當然有得買兼有得食,紀念品有超過百款會場限定商品及澳門限定品,印有輕鬆小熊嘜頭的澳門特色小食,好似紫薯蛋卷、牛油海鹽曲奇及迷你粒粒杏仁餅拼白芝麻花生脆糖等等。今個暑假去澳門,一定要去探探輕鬆小熊。
【延伸閱讀】去澳門科學館 與小王子及 LEGO 人大冒險
【延伸閱讀】一家大細快閃!澳門兩日一夜全攻略
勁多影相位
特展有數之不盡影相位,好似「夢想主題區」設有多個不同主題的場景,等你可以融入輕鬆小熊夢想國度,至於「玩具箱遊樂園」,有超過 20 個輕鬆小熊公仔箱,讓你變成輕鬆小熊玩具的其中一分子。
認識輕鬆小熊
影相之外,亦有對輕鬆小熊加深認識的「大百科區」,展出歷年來輕鬆小熊的不同造型及變化,同時亦展出粉絲的珍貴收藏品。
玩遊戲攞禮物
特展更新增只有澳門站才有的遊戲區,有 4 款攤位遊戲及夾公仔機,可以輕輕鬆鬆贏取輕鬆小熊公仔返屋企。
攤位遊戲:20 MOP / 次
夾公仔機:10 MOP / 次
買輕鬆小熊紀念品
特展有過千件輕鬆小熊紀念品,其中有差不多過百件會場限定或澳門商品,好似同澳門英記餅家推介的特色小食,好似紫薯蛋卷(68 MOP)、牛油海鹽曲奇(58 MOP)和迷你粒粒杏仁餅拼白芝麻花生脆糖(58 MOP),有得買又有得食。
必儲紀念印
買入場券時,只要加 35 MOP,就可以換購「輕鬆小熊集章冊」,不同款式的輕鬆小熊印章,分布在特展每個角落,要集齊 6 款,就要落足眼力。
輕鬆小熊的甜蜜時光特展
日期:即日 至 8 月 31 日
開放時間:12nn-9pm(平日),10am-9pm(星期六及日)
查詢電話:+853(0)6288 9485
地址:澳門路氹城蓮花海濱大馬路,澳門百老匯 2 樓
票價:80 MOP(平日)、120 MOP(周末假日)
採訪:Cathleen、相:Jay
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道隱世美食/必買手信等!↓