位於美國阿拉斯加州南部 Hoonah 的 Icy Strait Point，平時除了是郵輪停泊熱點，舉辦不少自然生態 tour 如觀鯨團、山林生態觀光團，夏季時節一到，亦是 zipline「ZipRider」的出發地。
於 2011 年落成的 ZipRider，曾是全球最大規模 zipline，雖然前年健力士世界紀錄已宣佈世上最長 zipline 為波多黎各的 El Monstruo、近年亦出現了多達 8 人齊飛的 zipline，但仍無損阿拉斯加這個 zipline 的人氣！
事關 ZipRider 的出發點都真係好高，在 472 米高的山頂直飛落地，時速高達 104 公里，90 秒之內已經飛完！分半鐘飛越雲層的畫面如何？玩家主觀鏡頭即睇！
官方建議想參加的朋友，可報名包埋交通的導賞團，事關雖然飛索分半鐘已經玩完，但上山的車程需時 45 分鐘，山路顛簸而且經賞有熊出沒，危險呀，制唔過！ 話晒都百幾層樓高飛落嚟，安全功夫絕對要做到足。 離遠睇，大 wide shot，灣景好壯闊。 多人同時齊飛，邊個到地先？絕對視乎玩家的重量！ 云云「危險」玩意當中，zipline 可算是相對地最安全的一項，當然大家要選擇合符安全規格、有信譽保證的 zipline 商家！ 由標高 472 米的 Hoonah Mountain 山頂直飛到碼頭！ 跟車的專業導遊會沿路講解生態環境，睇返不少用家事後都好評；另外仲有全程 3.5 小時的越野車野外堪察，畀玩家飛之前親親大自然！ Zipline 全綫共有 6 條，官方表示並不保證可以安排閣下與朋友 6 人一齊飛，建議同有關方面提早要求！ 官網：icystraitpoint.com
即 like & follow U Travel Facebook / U Travel IG / 旅遊快搜 Facebook 專頁，緊貼世界各地最新旅遊情報！用WeChat掃一掃下面QR Code，follow埋U Travel精選內容！
發表回應