近年,沖繩成熱門旅行目的地之一,若去沖繩那霸市旅遊,還可以好好利用公共交通工具暢遊,初到沖繩那霸的朋友,不妨看看以下的公共交通攻略。
簡單方便 單軌電車
沖繩單軌電車(Yui Rail)的的骰骰,好似主題公園入面的列車,幾趣緻!車廂細細,在那霸市區架空單軌上行駛,短短 12.9 公里已經有 15 個站,其實車站都幾密,而且每 6 至 15 分鐘就有一班車,所以如果你唔係話要去好偏僻嘅地方,其實淨係搭單軌電車,幾乎已經夠用。(圖︰4travel.jp)
【延伸閱讀】室內好去處 遊沖繩落雨天都唔怕
【延伸閱讀】5 大在沖繩才吃到的美食
最好的是由落機一刻已經可以搭到,那霸機場站係 Yui Rail 的起點,慳返租車錢、的士錢!你可在沖繩島交通查詢網頁查詢路線和車費,還要是繁體中文來,非常方便。( 沖繩島交通查詢)
以下是部分較重要的車站,可留意一下。
- 旭橋站︰一出閘已是沖繩最主要的巴士總站︰那霸巴士總站,這裡可以搭巴士去北部恩納村、名護、美國村、南部系滿等地,亦是各巴士公司售票處和一日遊報名的地方。
不過最近那霸巴士總站有改建工程,售票處位於電車旭橋站下方,其實只要跟返當地指示搭返啱嘅巴士就無問題。如果唔識都唔怕,有部分職員懂普通話的,路在口邊呀!
- 縣廳前站︰連接百貨公司 Ryubo,另步行 5 分鐘可達國際通。
- 美榮橋站︰步行 5 分鐘可達國際通。
- 牧志站︰步行 10 分鐘可到食肆雲集的牧志公設市場。
- 歌町站︰一出站就是 DFS 免稅店,步行 5 分鐘即達 SanA 那霸 Main Place。如要到美術館,都是這個站落車。
其實 15 個車站全部搭晒,當遊下車河了解下每一個站,都只係需要 27 分鐘。你可以逐個站付費搭車,又可以買日票任搭。成人一日任搭 700 日圓,小童半價;成人兩日任搭 1,200 日圓,小童半價。
最難搞嘅巴士線
那霸搭巴士真係連那霸以外嘅日本人都覺得難搭︰難就難在路線複雜,而且因為經常塞車,永遠跟唔到個時間表。(圖︰座間味村)
不過隨住科技進步,已經有網站可以幫你搜尋巴士路線,有齊票價、時間、哪裡轉車等資料,最正係有繁體中文!其實搭巴士煩就煩在就算短短嘅距離,都可能需要轉車,仲要分分鐘比單軌電車貴成倍。所以在網站上面,只要你點出起點站同終點站,便會顯示不同路線,而當中其實又會提供埋單軌電車讓你做比較。
巴士都有一日任搭嘅日票,成人 660 日圓,小童半價。另外亦有巴士同單軌電車夾埋一齊用的日票,即可以無限次任搭巴士同單軌電車,成人 1,000 日圓,小童半價。其實有時搵路同搭公共交通工具,都係一種體驗,一種樂趣!
文︰小車
↓ 領取資助金,用$0去玩不是夢~↓
↓立即睇打卡熱點/地道隱世美食/必買手信等!↓