大阪２ 大溫泉推介 即日來回鬆一鬆

去大阪，大多會順道去鄰近的溫泉區浸溫泉，放鬆一下。有時候，行程太趕，未必能可以留宿，但又想去浸漫泉。其實不難，因為很多地方都有的溫泉旅館都提供「日帰」服務，以下推介 4 個必去推介。

其實唔少溫泉旅館都有日帰り（日歸 Higaeri)的服務，即是無需入住及過夜，畀少少錢就可以即用旅館內的溫泉設施，好似日本三大著名溫泉區的有馬，向來價錢都比一般溫泉區貴，但如果只浸溫泉不留宿的話，划算很多。又或者，旅行時間太少，想去多幾個地方，又貪心想浸浸溫泉，選擇去有日帰服務的溫泉，確實唔錯。

【延伸閱讀】【#旅遊盲點】日本獨有！ 因乜解究溫泉後要飲冰凍牛奶？

【延伸閱讀】【#潮日放送】群馬伊香保溫泉  熱話新型人力車

 #01 性價比最高　@太閤の湯

講到關西出名的溫泉區，必定唔少得位於兵庫縣的有馬溫泉，日本三大著名溫泉區之一。離大阪都只係一個鐘頭左右車程，而且有好多唔同組合的交通套票（優惠期去到 2018 年 3 月 31 日）真係好划算。有馬溫泉最著名的是金泉和銀泉。金泉因鹽化還含鐵分，泉水色赤褐如金；銀泉含炭酸水素，色白透明似銀。試完金銀還有蒸風呂岩盤浴，「天下之湯」。有馬溫泉區，一泊二食的價錢都是偏貴，可以平平哋，歎高質溫泉確實啱晒窮遊一族。

價錢：2,400 日圓起

地址：651-1401 兵庫縣神戶市北區有馬町池之尻 292-2

電話：+81(0)78 904 2295 

交通：梅田乘阪急巴士直達有馬溫泉站，車程約 55 分鐘，再轉接駁巴士或坐阪急/阪神電鐵至三宮，再轉神戶高速/神戶電鐵至有馬溫泉站，再轉接駁巴士。

網址：taikounoyu.com

套票網址：hankyubus.co.jp

#02  選擇種類多  @不死王閣

如果覺得有馬車程有點遠，可以去離大阪市只需 30 分鐘鐵路車程左右的不死王閣，夠晒方便。溫泉旅館內有唔少「日帰」套餐，適合遊客不同需要。好似午餐 + 溫泉、午餐 + 溫泉 + 房間休息、午餐 + 溫泉 + 房間休息 + 晚餐等等，而且價錢非常抵玩，每人都係 2,700 日圓起就有交易，相當抵玩。

價錢：2,700 日圓起

地址：〒563-8585 大阪府池田市伏尾町 128-1

電話：+81(0)72 751 3540

交通：阪急「池田站」搭電車，大概 20 分鐘車程或在大阪站搭 JR 約 29 分鐘車程。

網址：fushioukaku.co.jp