其實喺台北,求其撞入一間食店都好好食。今次聽吓 台北 地膽 推介 台北車站食好西,就近 台北車站 好食又有特色嘅餐廳,全部都離 台北車站約十分鐘車程,搵食話咁易。
{台北車站搵食地圖}
#01 摩天輪親子餐廳
台灣親子餐廳都唔少,不過呢間連摩天輪都有就夠晒得意!樂福 LOVE 親子餐廳嘅賣點係將遊樂空間同精緻創意料理完美結合。樓高 2 層嘅室內摩天輪,唔係裝飾咁簡單,真係識轉,大小朋友都可以坐上去玩。店內仲有唔少空間畀小朋友盡情遊玩,餐廳又標榜食物無落味精、香精等化學添加物,同時選用新鮮食材炮製,賣相吸引。真係大人放心,小朋友開心!
【延伸閱讀】威士忌樽裝咖啡 飲住扮有型
【延伸閱讀】選擇困難症必試 台中甜品扭蛋機
樂福 LOVE 親子餐廳
地址:台北新北市三重區五華街 200 號
電話:+886 (0)2 8287 0666
營業時間:11:30am - 9pm(最後點餐 8:30pm)
#02 在台北食牛肉麵是常識吧
台灣嘅牛肉麵一向鬥得你死我活,各家各派各有不同口味,台北計程車司機小張哥推介呢間牛肉麵,位於幾乎所有遊客都必到的西門町。午飯時剛開店,門口已有一堆人在等位,幸而吃牛肉麵不用需時很長,所以就算要排隊,都唔會話等好耐。牛店走新派一點的路綫,不但門面設計摩登,連吃法都一樣咁摩登,因為老闆學西餐出身,以西式做牛肉湯嘅方法烹調,牛肉麵用澳洲牛肉,肉質較台灣牛肉柔軟,而且湯用上三種牛骨加碎肉熬煮,做出清澄高湯來,夠晒入味、軟硬度適中。
牛店精致牛肉麵
地址:台北巿昆明街 91 號
電話:+886(0)2 2389 5577
營業時間︰11:30am-8:30pm,星期一休息
備註: 不設加一,只收現金
交通:乘捷運於西門站,步行約 10 分鐘
#03 涼麵 必食宵夜
台北涼麵,重點在麻醬,淨係望福德涼麵店面就知道係賣古早味,仲要開足 24 小時,總好過去食快餐。涼麵似香港嘅油麵,不過冇咁油膩,再在麵上加有青瓜絲及一大匙麻醬,食起嚟仲有醬油味、甜味、蒜香、醋酸,味道豐富;嫌唔夠仲可以加辣醬或者山葵泥,真係好味唔係講笑。涼麵之外,呢度嘅味噌湯都係必試,由日式味噌湯演變而來,味道濃香,上枱前再打入蛋花,再食粒彈牙貢丸,正!難怪台北人宵夜,總會想飲返碗湯食返碟麵。
福德涼麵
地址:台北巿興安街 76 號
電話:+886(0)2 2503 8553
營業時間:24小時
交通:於台北車站乘的士約 20 分鐘
#04 打新鮮牛邊爐
溫體牛講嘅係新鮮度,即劏即吃。台灣傳統上夜晚先宰牛,要吃最新鮮嘅牛肉湯就要等到半夜。不過,經「牛老大」嘅協調後,打破日間宰牛禁忌,令牛老大可在晚餐時份得到最新鮮的牛肉,實行以鮮牛打邊爐。小張哥教路,嚟牛老大一定要訂位,因為店實在太出名。牛老大餐單好簡單,鍋底只有一款選擇,配料基本上都是牛,還有一些蔬菜及魚漿、花枝漿等,除咗鮮牛肉外,仲有牛肝、牛肚、牛心、牛舌、牛筋及牛雜內臟。湯底以牛骨及大量蔬菜熬成,非常清甜。以鮮牛打邊爐,牛肉只需輕涮幾秒便可,嫰滑香甜。火鍋以外,還有些小炒,都是以牛肉為主角,如一道酸白菜牛肉便最有台灣特色。
牛老大
地址:台北巿承德路三段 74-76 號
電話:+886(0)2 2592 8282
營業時間:5pm-2am
交通:於台北車站乘的士約 20 分鐘
#05 蒲@台北
想蒲得型啲,台北嘅 W Hotel 係唔錯嘅選擇,因為呢度一向係潮人美女名人聚腳點,而且酒店更設有最型職位——時訊達人。時訊達人英文稱 W Insider,是酒店正職員工,平日的工作就是發掘台北最潮流好玩好吃的新地方推介給住客,而且所介紹的都不會只是自家酒店或相關店舖,真真正正是無論遊客或是在地人都會去的店,我們當然也找來擔任這超爽筍工的 Joyce 為我們推介台北最潮的餐廳。推介或者就由 W Hotel 開始,Joyce 最愛嘅並唔係 Woo Bar 嘅雞尾酒,而係由釀酒師特別只為這裏調配嘅 5 Beer,5 唔單止代表咗所用嘅 5 種主要材料,而且普通話發音更與 Woo 一樣,襯晒 Woo Bar。
Woo Bar
地址:台北巿信義區忠孝東路 5 段 10 號 W 飯店 10 樓
電話:+886(0)2 7703 8887
#06 台北食材的跨國界料理
台北飲食界嘅創意其實好勁,而且唔少年輕人喺外國取經後,都好願意回台開店。Joyce 就推介呢間由三個唔同國籍廚師主理的 Gen Creative。餐廳採用 Farm to Table 概念,台灣嘅農產其實都唔少,因此無界限料理裡面,幾乎百分之九十五都係台灣食材,外國食材幾乎只有肉類。食到嘅不只創意,還會了解到台灣食材的美麗,屏東的雞肉、竹北的番茄、桃園的紅蘿蔔及雲林的蛤蜊都會在這裏找到。Joyce 更指:「每次來 Gen Creative 都會有新驚喜,而且每和不同的朋友來都各有喜歡的菜式。」
地址:台北巿大安區敦化南路二段 63 巷 24 號
電話:+886(0)2 2707 3348
營業時間:星期一至四 5:30pm-10pm,星期五及六 5:30pm-11pm,星期日休息
備註:設加一,收信用卡
交通:乘捷運於信義安和站 2 號出口,步行約 5 分鐘
#07 傳統火鍋性格化
接着 Joyce 問我們有否吃過傳統的酸菜白肉鍋,還以為她會帶我們去傳統老店,原來是家型格的新火鍋店︰肉大人。老闆雖然年輕,卻有感台灣最傳統的酸菜白肉鍋好像愈來愈少,而且火鍋好像又非一班人吃不可,索性開間一人一小鍋的店,讓年輕人再認識酸菜白肉的美味。鍋底的酸白菜,是店家自己醃了一個月的,配上以黑豬的大骨、腳骨、雞殼及大量蔬果熬成的湯,微酸回甘,用來涮豬肉片吃最佳。Joyce 還提醒大家,「要先吃肉,再將白菜夾肉同吃,便可吃到最佳的味道。」肉大人對配料也很講究,用的都是老字號的出品,好像美濃宋記柴燒豆皮、台南我家魚餃及南門巿場的手工蛋餃等,新派小火鍋店,背後珍藏住一份愛護傳統美食嘅心思。
肉大人
地址:台北大安區敦化南路二段 81 巷 35 號
電話:+886(0)2 2703 5522
營業時間:11:30am-2pm、5:30pm-10pm,逢星期日休息
交通:乘捷運於信義安和站 2 號出口,步行約 5 分鐘
#08 話題燒肉
2015 年在米蘭世博帶領台灣隊取得「首屆世界廚神」美譽的陳偉強師傅,帶我們吃現時台北最人氣的燒肉店,開業之初有靚仔提供「壁咚」服務而名噪一時,有得玩只係噱頭,食物水準高先可以留住客人,陳師傅推介得,食物質素有保證。食物走嘅係高級燒肉路綫,除咗進口嘅西班牙伊比利亞豬肉外,更是以澳洲和牛作主打;此外,必吃估唔到咁美味的台灣產桂丁雞,甚至好吃到出口至日本,點了這款的雞腿肉,肉質彈牙有雞肉味。喜歡吃海鮮的話,這裏有魚缸養着鮮活海產,不過,為確保客人海鮮燒得美味,海鮮會交由大廚燒好才上桌;而在燒肉時,侍應也很細心,不時更換烤網避免烤燶靚肉。仲有仲有,必點日本師傅做嘅泡菜,用上 14 種水果做成,香甜帶微辣、新鮮爽脆,用嚟配燒肉食夠晒爽!
約客頂級燒肉
地址:台北市大安區金山南路二段 2 號 3 樓
電話:+886(0)2 2393 7168
營業時間:星期一至五 11:30am-2:30pm、530pm-12mn,星期六日及公眾假期 11:30am - 12mn
備註:設加一,收現金及信用卡
交通:乘捷運於東門站,步行約 5 分鐘
#09 抵吃台菜小炒
塗鴉藝術家 Bounce 推介開了 18 年的「半斤九両」,半斤居然有九両就是希望以優惠價錢吃得更好,以最好的料理回饋食客的支持。台菜海鮮店同香港差唔多,都會將新鮮海產置於店面,客人親自挑選。此店的海鮮都是日日新鮮運到,來自菲律賓、印尼、澎湖及台灣外海等,款式多多,叫人有選擇困難症。那麼我們便來吃 Bounce 常點的 A 餐,台灣玉米雞、蚵仔煎、糖醋魚、紅蟳米榚、煎豬肝及炒米粉等,足 6 人分量,全餐才港幣六百多,價錢實惠得不禁叫人驚訝。最重要係味道絕好!特別是那隻台灣玉米雞,只簡單以白切方式煮成,白烚時只下一點鹽,再馬上吹乾,令皮爽肉嫩,蘸少許辣醬或醬油吃,極鮮味。此外,又平又好吃的炒米粉也是驚喜,用的是麵廠每日新鮮送來的鮮米粉,炒來帶點湯汁的濕潤,足見師傅功架十足十。
半斤九両
地址:台北巿中山區吉林路 142 之 1 號
電話:+886(0)2 2541 7333
營業時晚:11:30am-2pm、5pm-10pm
交通:乘捷運於台北火車站,乘的士約 15 分鐘
#10 年輕人必去文青 cafe
剛投入旅遊業不久嘅 Chris,也愛流連不同 Café。他帶我們來松山區富錦街,這裏是近年新興的文青區。呢度有靚靚庭園、綠蔭、流水與陽光,完全令人忘了身在台北。可愛親切嘅狗店長 Muji 會前來歡迎客人。坐在可以望到庭園的梳化上,與「店長」嬉戲,一洗疲累。Café 以西餐為主,正餐有牛排意大利麵等,亦有輕食與下午茶選擇,特別是一杯好喝的招牌咖啡,用上萬特靈、巴西、爪哇及哥倫比亞四種咖啡豆調成,香醇甘香。此外,一個九宮格下午茶也很受歡迎,九格內的食物精緻好味,而且分量不會太多,最適合根本就是吃到肚皮脹爆但還要繼續吃的我們。
富錦街 No.108
地址:台北巿松山區富錦街 108 號
電話:+886(0)2 2546 6878
營業時間:星期二至五 11am - 9pm,星期六日及公眾假期 8am - 9pm、星期一休息
備註:設加一,收信用卡
交通:乘捷運於松山機場站,步行約 15 分鐘
整理︰小車
↓ 請您免費飛轉日/韓/泰!↓
↓立即睇打卡熱點/地道隱世美食/必買手信等!↓