【懶人包】 3 個大阪靚景推介 唔使山長水遠

2018.03.20

好多人都鍾意遊大阪,都會去周邊的景點睇靚景,唔想來來去去都係奈良、京都咁悶,其實大阪周邊仲有好多可即日來回的絕景 / 名勝,以下 6 個大阪周邊靚景的心水推介,去完絕對唔會後悔,記得 bookmark 喇!

【延伸閱讀】【#潮日放送】推介! 大阪 7 間必食好味刨冰

【延伸閱讀】【#潮日放送】大阪限定超可愛貓咪面形麵包 一日只有 40 位買到!

#1 日本版十二門徒石 @橋杭岩

遊客去和歌山通常都係浸溫泉(亦有人專程去探探貓站長),不過當地人除咗浸溫泉,一定會去埋串本町海岸對出的「橋杭岩」睇靚景。全長約 850 米的海岸上有約 40 多塊形狀不一的大岩石,有唔少人覺得睇落似被海水侵蝕的橋墩剩餘的底部,呢個奇景原來背後有個「傳說」:話說弘法大師與惡鬼打賭後一夜間出現的奇景,信不信由你。對龍友來說,這堆仿如「日本版十二門徒石」就係影靚相的最佳地點之一。

雖則橋杭岩在車程上,可以即日來回,但如果要靚景,就係日出時份,尤其 5 至 11 月的日出係最靚,所以好多龍友都會選擇兩日一夜的行程。(圖:yuk1nana_16@IG、d.c.otaka@IG、iktr09@IG、beautiful_japan47@IG)

橋杭岩

地址:〒649-3511 和歌山県東牟婁郡串本町くじの川 1549 番地 8

交通:可由新大阪或天王寺站乘 JR きのくに線特急くろしお列車至串本站,再由串本駅轉乘的士,車程約 5 分鐘

網址:kankou-kushimoto.jp

 

 

 


#2 真實版天空之城 @友之島

如果唔想咁快返大阪,可以去埋有真實版「天空之城」之稱的友之島,但如果想即日來回,都係搭兩個鐘船就到。位於瀨戶內海國家公園內紀淡海峽上的無人島群,由沖之島、虎島、地之島和神之島這四個島所組成的「友之島」,遺留了許多軍事遺迹亦擁有豐富的自然生態,島上綠意盎然,草木扶疏,隱藏在樹林的紅磚廢墟,給人一種神秘感,就好似去咗宮崎駿入面的《天空之城》。

(圖:scr.9@IG、dragon_rack@IG、miyagram44@IG、f_nobuyoshi@IG)

 友之島

地址:〒640-0103 和歌山縣和歌山市加太

交通:從大阪難波搭渡輪 2 小時(成人 2,000 日圓、小童 1,000 日圓)

網址: wakayamakanko.com

 

 


#3 綠油油梯田  @下赤阪の棚田

 日本都有梯田?無錯,真係有。日本有好多山,到處都有斜坡或山谷以階梯狀開闢的水田。唔好以為睇梯田一定山長水遠,大阪市郊都一樣有。大阪府千早赤阪村的「下赤阪の棚田」,早在 1999 年已被農林水產省選為日本の棚田百選之一。梯田最吸引龍友嘅地方,景色依季節改變:春天農田在蓄水,天空和附近的景色倒映在其中,夏天是綠油油一片,秋天則是金黃色的稻穗隨風擺動,冬天積雪又有另一番味道。如果撞啱星期六或日去的話,仲可以農産物直売所買當地新鮮農產品!

(圖:acchan1201@IG、osakasnap.fujiki@IG、machico_r_0203@IG、manja_lily@IG)

下赤阪の棚田

地址:大阪府南河内郡千早赤阪村森屋

交通:在大阪「阿部野橋駅」乘近鉄南大阪線準急・河内長野方向列車,至「富田林駅」,車程約半小時,再轉乘金剛バス,於「赤阪中学校前」下車徒步 10 分鐘

網址:chihayaakasaka.org 或 vill.chihayaakasaka.osaka.jp

 



即 like & follow U Travel Facebook / U Travel IG / 旅遊快搜 Facebook 專頁,緊貼世界各地最新旅遊情報!用WeChat掃一掃下面QR Code,follow埋U Travel精選內容!

相關情報