2017.06.13
對於香港人嚟講，做 OK 手勢、摸小朋友頭仔等，都係好普通嘅事，但估唔到喺外國，OK 手勢會被視為唔檢點。嗱，最近就有外國網集結咗一堆去唔同國家旅行時嘅禁忌，我哋就精選咗香港人去旅行時最有機會犯嘅禁忌出嚟，等大家都可以留意吓，唔使自己失禮咗都唔知。
德國：唔好預祝生日
喺德國，千祈唔好學納粹嘅敬禮手勢同埋帶納粹符號，就算係玩或講笑都唔得，就係太多遊客唔知，所以曾經因為咁而被逮捕。另外，若然你有認識嘅德國朋友又知佢就快生日的話，唔好預祝佢生日快樂，因為德國人好迷信，覺得咁做有可能令佢哋過唔到生日。
俄羅斯：追女送花唔好雙數
若然大家識到個俄羅斯靚女又想送花畀佢表白的話，一定要送單數呀，因為喺俄羅斯，雙數花只會出現喺參加喪禮嗰陣，如果你想成功表白，識做啦！
愛爾蘭：唔好亂學口音
愛爾蘭人有好多種唔同口音，不過千祈唔好諗住入鄉隨俗就亂學，因為呢啲口音包含好多唔同意思。另外，唔想畀人覺得 cheap 的話，夜晚去飲酒，記得一定要帶夠錢先好去。
印度：公眾地方唔好錫錫
印度非常保守，若然你同男 / 女朋友情到濃時喺公眾地方咀咀或有親密接觸，有可能因為公共地方猥褻的罪名而入獄，所以情侶們，忍住呀！
土耳其：唔好飲醉酒
OK 手勢對香港人嚟講，真係會經常做嘅動作，但原來喺土耳其，呢個手勢係表示 Gay 的意思，唔知的話真係隨時中伏。另外若你鍾意飲兩杯的話，千祈唔好飲醉，因為喺土耳其飲醉酒係一件可恥嘅事。
英國：唔好問收入
唔好唔排隊走去打尖，亦唔可以問人收入，仲有，唔可以隨便邀請人去你屋企玩，要請就只能請好親密嘅朋友。
肯亞：唔好講鹹濕嘢
唔好對宗教表現不尊重，因為呢度極多人都有信仰；唔好喺公司講「鹹濕嘢」；若然冇人叫你個全名，唔好響人個全朵。
馬來西亞：唔好亂摸頭
見到小朋友得意當然會想摸吓佢，不過去到馬來西亞，就唔好摸佢個頭，事關當地認為「頭」係全身最神聖嘅部位，記住唔好亂摸呀！
韓國：唔好單手接錢
當要同其他人在金錢或物品上有來往，韓國人認為用雙手遞出來才尊重別人，所以大家記得雙手遞或接住呀！
新西蘭：唔好攞英女王嚟講笑
喺新西蘭，你唔好攞欖球、《魔戒》同埋英女王嚟講笑，因為當地人認為要嚴肅對待㗎！
若然你仲想知更多唔同地方嘅規矩的話，可以睇埋呢個網站：http://bit.ly/2r9FNhM
↓《社群》「個人地圖」功能登場↓
去到邊 Share到邊～立即記錄您的生活足跡！![]()
去到邊 Share到邊～立即記錄您的生活足跡！
↓【U Jetso】Optmeal健康雞胸肉及燒賣套餐！↓↓
↓ 每日新鮮製造！多款獨特口味！ ↓![]()
↓ 每日新鮮製造！多款獨特口味！ ↓
utravel
發表回應