在東京，最方便大家買手信嘅地方，我首推「東京站」！首先東京站本身就係一個旅遊點，車站內外都有好逛好買點，足可玩大半日。而單單在東京站內，就有大量精品店、手信店，買走手信話咁易，但要買走「好」手信，就必跟我哋為你打包的以下 7 大人氣美味推介，保證送畀邊個都唔失禮！

#01「Press Butter Sand」激新口感‧北海道牛油忌廉焦糖餡曲奇

日本芝士撻名店 Bake 集團，4 月底開咗全新店叫「Press Butter Sand」，唔賣撻，而係賣牛油忌廉焦糖夾心曲奇！唔好睇少曲奇細細件，店家用咗北海道產小麥粉及鮮牛油做曲奇皮，又用北海道牛油忌廉及焦糖醬做餡，我哋嚟到東京站內店家前就嗅到好香好香，買走呢份手信一定夠潮！記者試食報告詳情：

【延伸閱讀】東京站全新熱辣手信 北海道牛油忌廉焦糖餡曲奇

Press Butter Sand
地址：東京都千代田區丸の内 1 - 9 - 1 JR 東京站內 1/F（未出閘）
電話：+81(0)3 4362 4147
交通：JR 東京站內
網址：buttersand.com

#02「New York Perfect Cheese」半日賣光‧優質芝士糕餅 

3 月底才開店的「New York Perfect Cheese」，一出現就引起排隊潮，原來店子由一班芝士達人監修，包括前白宮糕餅師 Bill Yosses、日本首位芝士專業鑑評家村瀨美幸、獲法國政府頒最優秀芝士職人 Rodolphe Le Meunier，三位大師合力創作了 3 款芝士手信，其中以「Newyork Perfect Cheese」最具視覺震撼！可惜，我哋平日下午來到已經賣晒，問店員先知，當日下午 2pm 左右就售罄啦，排隊請早！好在，尚餘少量「Maple Cheese」芝士蛋糕，有楓糖漿做餡滋味特別！不過價錢貴貴哋，送畀重要親朋夠誠意。

Newyork Perfect Cheese
地址：JR 東京站內 1/F 南通路（未出閘，Press Butter Sand 對面）
電話：+81(0)3 5542 0288
營業時間：8am - 10pm
交通：JR 東京站內

#03「ねんりん家」濃郁牛油‧年輪蛋糕

創業 10 年的「ねんりん家」係年輪蛋糕專家，不時推出限定新口味，不論係大丸東京分店，還是東京站內銘品館分店，都係有人龍！熱賣 No.1 係「マウントバーム　しっかり芽」Mount Baum Kuchen 款色年輪蛋糕，外層口感鬆鬆的，內層吃來潤棉柔軟，仲有超濃郁牛油味！官方指比普通的年輪蛋糕花上一倍時間燒製。蛋糕分切件版及圓餅版，圓餅版一大件，可以按喜好切唔同大細品嚐就不錯！ 

ねんりん家 東京站店
地址：JR 東京站內 1/F 銘品館南口（未出閘）
電話：+81(0)3 3214 7834
營業時間：6:30am - 9pm，星期五、六 延長至 9:30pm
交通：JR 東京站內
網址：www.nenrinya.jp

#04「The Maple Mania」多年人氣冠軍‧楓糖牛油曲奇 

經常被電視節目及雜誌介紹，多次上榜成位東京站人氣手信 No.1 的「The Maple Mania」，多款手信小食都由加拿大魁北克產嘅百分百楓糖漿、高級牛油製成！最受歡迎的是「Maple Butter Cookie」，牛油餅乾香口又有微甜糖漿味，包裝又走可愛風，所以特別吸引女生。可惜店家不設派籌，一定要即場排隊，所以人龍真係長期都 keep 住好長！ 

The Maple Mania
地址：JR 東京站內，B1「GRANSTA」店內（未出閘）
電話：+81(0)1 2039 8507 
營業時間：8am - 10pm，星期日及日本長假期最後一日提前於 9pm 休息
交通：JR 東京站內
>網址：http://themaplemania.jp

#05「東京かみなり舎」多重口感‧雷神角餅乾 

去年 3 月開店後迅速大受歡迎的「東京かみなり舎」，裝潢走紅白日本風，旗下手信以日本傳統雷神為概念，把雷神的角當成餅乾！鬆脆的餅乾筒內，有忌廉、花生、芝麻糖等作餡，多重口感好特別。加上手信包裝走現代和風，完全代表東京喇！ 

東京かみなり舎
地址：JR 東京站內 1/F 京葉 Street（未出閘）
電話：+81(0)3 5542 0288
營業時間：8am - 10pm
交通：JR 東京站內

#06「東京ばな奈カステラ」香蕉新品．東京站限定 

東京手信名物「東京香蕉」時不時都有新款，不過今次介紹嘅新品絕對唔係換餡咁簡單。去年底開店嘅「東京ばな奈カステラ」專賣蜂蜜蛋糕，而且只此東京站店一家！蜂蜜蛋糕外型仲係 keep 住香蕉形狀，味道方面，一個字：好甜！送畀愛甜嘅朋友和東京香蕉粉絲就最啱。 

東京ばな奈カステラ
地址：JR 東京站內 1/F 八重洲南口店（未出閘）
電話：+81(0)1 2038 4440
營業時間：9am - 10pm
交通：JR 東京站內 

#07「銀のぶどう」心形圖案夾心餅

#08「Caffarel」意大利老店特別限定朱古力甜點

---

#09 「R.L. waffle cake」創新七彩窩夫棒

#10「堂島ロール」最新地方限定卷蛋

日本 roll cake 界中最為有名的「堂島ロール」，在 12 月 1 日至 2018 年 1 月 14 日，期間限定推出 5 個地區的卷蛋「ご当地ロール」，包括：東京、大阪、名古屋、札幌及博多。

東京推出的是「カフェショコラロール（Cafe Chocolat Roll）」，以咖啡忌廉 ganache、卡仕醬、杏仁粒粒等製成，口感食味絕對有保證。

售賣點包括：日本橋三越本店、銀座三越店、伊勢丹新宿店、東武百貨店池袋店、阪急百貨店大井食品館、東急百貨店渋谷店、大丸東京店、小田急新宿店、ららぽーと横浜店、横浜高島屋店、ラゾーナ川崎店。

info：

大丸東京店（ベビーモンシェール專櫃）

地址：東京都千代田丸の内 1 - 9 - 1 大丸東京店 1/F

電話：+81(0)3 3212 8011

營業時間：10am - 9pm，星期六、日及日本假日提前至 8pm 休息

交通：JR 東京站，「八重洲北口」出口直達

網址：www.mon-cher.com

---

香蕉蛋糕系列

#11 特別版！慶祝上野熊貓香香出世

今年東京動物界最高盛事，一定係上野動物園的熊貓 BB「香香」出世！動物園決定於 12 月 19 日起讓大家與香香見面，不過想率先見上一面真係好有難度，事關要到網站登記抽籤，再於指定期間前往動物園，遊客要等上一陣子才可見到香香喇。

而超出名的「東京香蕉」蛋糕，就為香香度身出品新款蛋糕，更選定於 12 月 19 日、在 JR 上野站率先發售！（12 月 20 日起於東京各銷售點發售）

蛋糕的包裝，以至蛋糕本身都超級可愛！而且睇真啲，有 3 款造型的啊！口味方面，係溫和香蕉乳酩忌廉餡。

上野熊貓香香特別版蛋糕

售價：515 日圓（一盒 4 個）、1,080 日圓（一盒 8 個）、1,595 日圓（一盒 12 個）

發售日：2017 年 12 月 19 日起

發售點：JR 上野站、JR 東京站、大丸東京店、東京晴空街道 Tokyo Solamachi

網址：www.tokyobanana.jp

#12 和風抹茶紅豆餡蛋糕

原來在品牌開創以來 26 年間，只係推出過 2 款和風口味，今次的抹茶蛋糕，是相隔 16 年後再推出的和風口味新商品「銀座のお抹茶ケーキ（銀座的抹茶蛋糕）」。

蛋糕採用京都宇治抹茶及北海十勝紅豆作餡，外層還有抹茶牛奶忌廉，加上軟棉蛋糕共 3 層口感。

留意蛋糕上有一個代表抹茶的綠色心心，非常卡娃依！全新蛋糕將於 10 月 14 日起發售。

銀座的抹茶蛋糕

售價：560 日圓（一盒 4 個）、1,080 日圓（一盒 8 個）、1,620 日圓（一盒 12 個）

發售日：2017 年 10 月 14 日起

#13 米奇版香蕉手信 只在東京迪士尼

這款限定版蛋糕，以吉士及焦糖作醬餡，加上印有米奇嘜頭的香蕉味蛋糕，大家係唔係好心動？

蛋糕只限在東京迪士尼樂園及東京迪士尼海洋發售，其他地方買唔到，去開樂園的朋友不妨買走當手信，充滿代表性！

東京迪士尼樂園版東京香蕉蛋糕（焦糖香蕉口味） 

售價：1,300 日圓（一盒 8 個） 

販賣店：東京迪士尼樂園及東京迪士尼海洋內商店 

參考網址：www.tokyodisneyresort.jp

---

#14 秋栗季節必食 栗子蛋糕

秋天到是食栗子的好時節，東京香蕉就在 9 月推出「銀座のモンブランケーキ（銀座的 Mont Blanc 蛋糕）」。

蛋糕內有 2 層餡料：含有栗子粒的法式栗子蛋糕 Mont Blanc 忌廉及焦糖忌廉，喜愛栗子的朋友絕對不可錯過！

銀座的 Mont Blanc 蛋糕

售價：483 日圓（一盒 4 個）、1,029 日圓（一盒 8 個）、1,543 日圓（一盒 12 個）

發售日：2017 年 9 月

---

#15 羽田機場限定 楓糖長崎蛋糕

在羽田機場落機、上機的朋友，別錯過羽田機場限定發售的「東京ばな奈カステラ メープル味（東京香蕉長崎蛋糕 楓糖味）」。

長崎蛋糕包含了香蕉及楓糖漿香氣，底部仲有糖粒增加口感和甜度，唔怕甜到漏就一定要買走這個 9 月才胰推出的限定版喇！

東京香蕉楓糖味長崎蛋糕

售價：702 日圓（一盒 4 個）、1,188 日圓（一盒 8 個）、1,782 日圓（一盒 12 個）

發售日：2017 年 9 月

#16 浪漫星星 杏仁牛奶味蛋糕

溫馨提示：

相：Ray、Kee、官方網站、部分網上圖片