日本雜誌《日刊 SPA!》最近訪問咗 200 個年齡介乎 30 至 50歲的日本人,得出「滿足度最高/低」的排名,最唔得日本男生歡心的居然係……世事真係好難預料。
滿足度最高係剛剛收購香港譚仔雲南米線的丸亀製麺(母公司),大多數人都覺得性價比夠高;至於第 2 位為大家都好熟悉的吉野家,大讚食物水準冇乜跌 watt。
除咗最高滿足度外,仲有最低滿足度,包尾就係麥當勞,覺得對食物來源感到質疑,而排尾二的CoCo 壱番屋,不少人就覺得價錢貴又食唔飽,唔抵食。要得到日本人歡迎,最緊要都係,平靚正。
想知更多排名? loop 落下面睇一睇。
日男滿足度最高
NO.1 丸亀製麺
當地人評語:價錢勝在夠平,一碗「釜揚烏冬」都只係 290 日圓(約 20 港元)絕對超值,仲可以無限量添加天婦羅炸粒及蔥。(但點解香港貴咁多?)
NO.2 吉野家
當地人評語:營業時間夠長,就算開 OT 到幾夜,都可以食到熱騰騰的牛肉飯,而且食物質素咁多年來都可以保持水準,價錢亦相當合理。
日男滿足度最低排行榜
NO.1 麥當勞
當地人評語:對食材來源唔係太有信心,如漢堡包的漢堡扒是否真正用牛肉來做,而且價錢太貴,500 日圓根本食唔飽,就算用咗手機 App 的 coupon 都係平得 20 至 30 日圓,根本不算得優惠。(咁香港食麥記又真係平好多。)
NO.2 CoCo 壱番屋
當地人評語:一碟普通咖喱豬肉飯 500 日圓,如果追加其他配菜已經要上千日圓,感覺不太划算。
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓