去旅行,第一個要去的地方一定係機場,個人嚟講,最痛苦莫過於喺呢個地方「嘥」嘅時間多數一個鐘起,而呢一個鐘除咗買嘢食嘢外,你完全唔知可以做乜,嗱,不過台灣桃園機場又另計,因為呢度真係做乜都得,我怕你玩到唔捨得走咋。
#1 躺椅區
玩到攰攰哋,當然想坐低休息吓,若然一般座位有軟墊你都會嫌太硬的話,就一定要去第二航廈 3 樓嘅躺椅區,因為呢度嘅座椅係幾乎可以畀你平躺,最正嘅係你坐低係面對機場景,真係舒服到望望吓瞓着都唔知呀!
#2 按摩椅
認為平躺都唔夠舒服?得,第二航廈 C 區同 D3 區,就有全身按摩椅畀你歎,你只要去免稅店詢問索取代幣,就可以有 15 分鐘免費按摩時間,係咪正先?
#3 祈禱室
如果你本身有信仰的話,喺第一航廈 A4 及 B3、第二航廈 C1 及 D7 候機室前的位置,設有禱告室、佛堂畀唔同宗教信仰人士,祈禱或祈求旅程順利,好貼心。
#4 圖書館
第二航廈 D2 及 C5 登機室的位置,就分別有「桃花源圖書館」、「飛閱候機室」,前者有過千本中英日韓法德語書籍,而後者則有超過 2,000 本環保書、400 本中英文電子圖書和影音書。另外,A8 及 B7 的登機門旁亦有觀景電子圖書室,畀大家可以邊睇飛機邊睇電子雜誌。
圖:桃園國際機場 @ fb、U Magazine
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓